Երեկվանից Գորիս քաղաքում մարդկանց որոշակի շրջանակում խուճապային տրամադրություն է՝ կապված կորնավիրուսային հնարավոր վարակվածություն ունեցող քաղաքացու հետ։ Բանն այն է, որ ըստ շրջանառվող լուրերի, N քաղաքացին, լինելով նախկինում արձանագրված վարակակրի շփման անձ, կորոնավիրուսի թեստ է հանձնել և, չսպասելով պատասխանին, անձնական խնդիրներով այցելել մի շարք հիմնարկներ՝ համայնքապետարան, բանկ, նոտարի գրասենյակ և այլն։ Իբր կան մեծ թվով մեկուսացվածներ։ Մարդիկ խոսում են նաև նրա շփման հնարավոր մեծ շրջանակի մասին՝ այն տարածքում, որտեղ բնակվում է։ Կարծիքներ էին հնչում նաև քաղաքի փակման մասին։
Դեմ լինելով այդ օրինակ, ոչ պաշտոնական տեղեկությունների հրապարակմանը, տարածմանն, այնուամենայնիվ, կարծում ենք, որ պաշտոնական մարմինները պարտավոր են մարդկանց իրազեկել իրավիճակի մասին, որպեսզի, առանց այն էլ, լարված պայմաններում ապրող մարդիկ լրացուցիչ սթրեսների չենթարկվեն կամ, եթե իրականությանը համապատասխանում են այդ տեղեկություններն, ավելի զգոն լինեն։
