2022թ. hուլիսի 21-ին Գորիս համայնքի Վերիշեն բնակավայրում՝ Հայաստանում Միավորված ազգերի կազմակերպության (ՄԱԿ) Փախստականների գործակալության (ՄԱԿ ՓԳՀ) դաշտային գրասենյակի բակում, տեղի ունեցավ հանդիպում՝ Հայաստանում ՄԱԿ–ի մշտական համակարգողի ժամանակավոր պաշտոնակատար Լիլա Փիթրս Յահիայի և ՄԱԿ-ի տարբեր գործակալությունների՝ Զարգացման ծրագիրի, ՅՈՒՆԻՍԵՖ-ի, Բնակչության հիմնադրամի, Առողջապահության համաշխարհային կազմակերպության, ՄԱԿ ՓԳՀ-ի, Միգրացիայի միջազգային կազմակերպության, Աշխատանքի միջազգային կազմակերպության, Պարենի Համաշխարհային ծրագրի, Պարենի և գյուղատնտեսության կազմակերպության, ՄԱԿ-ի արդյունաբերական զարգացման կազմակերպությունը, ՄԱՁԻԱՀ-ը, Գլոբալ հաղորդակցության վարչության և այլ կազմակերպությունների ղեկավարների հանդիպումը Սյունիքի՝ Գորիս, Սիսիան, Գորայք, Տաթև և Տեղ համայնքներում բնակվող մի խումբ ակտիվ տեղացի և Արցախից տեղահանված պատանիների և երիտասարդների հետ:
Միջոցառումը վարում էին ՅՈՒՆԻՍԵՖ-ի ղեկավար Քրիսթինե Վայգանդը և ՄԱԿ ՓԳՀ արտաքին կապերի պատասխանատու Անահիտ Հայրապետյանը: Հանդիպման նպատակն էր իրազեկվել համայնքային կյանքում ակտիվ ներգրավվածություն ունեցող երիտասարդների գործունեության, նրանց հաջողությունների, տեսլակետի, նոր հնարավորությունների և առկա խնդիրների մասին, ինչպես նաև քննարկել համայնքների զարգացմանն ուղղված հնարավոր ուղիներն ու գործնական քայլերը:
Քաղաքացիական հասարակության տարբեր խմբեր ներկայացնող երիտասարդ կամավորները (համայնքներին կից երիտասարդական խորհուրդները, «Արևը Սյունիքից» ՀԿ-ն, «Կանանց զարգացման «Ռեսուրս կենտրոն» հիմնադրամը, «Համայնքը՝ հանուն երկրի»-երտասարդական կազմակերպությունը) բարձրաձայնեցին իրենց խնդիրներն ու խոչընդոտները՝ նշելով նյութական ռեսուրսների, տարածքի և տրանսպորտային միջոցների, ինչպես նաև շարունակական դասընթացների և զարգացման ծրագրերի անհրաժեշտությունը:
Հանդիպման ընթացքում հատկապես կարևորվեց երիտասարդական կենտրոնների ստեղծումը՝ ոչ ֆորմալ կրթության, մասնագիտական կողմնորոշման, ինչպես նաև գիտահետազոտական, սոցիալ-տնտեսական և գյուղատնտեսական ծրագրերին և արվեստի, կինոի և IT ոլորտին առընչվող՝ պատանիների և երիտասարդների ինքնազարգացմանն ուղղված զանազան նախագծերի իրականացման նպատակով: Երիտասարդական կենտրոնների ստեղծման անհրաժեշտությունը հատկապես շեշտադրվեց համայնքների բարօրությանն ու զարգացմանն ուղղված՝ պատանիների և երիտասարդների համախմբված, համաձայնեցված և նպատակային գործունեության ապահովման համատեքստում:
Բարձրաձայնելով իրենց խնդիրները և համայնքներում բախվող խոչընդոտներին՝ երիտասարդները նշեցին տեղական ինքնակառավարման մարմինների աջակցության, համայնքահեն և հասարակական կազմակերպությունների հետ համագործակցության, և որ ամենակարևորն է. ծնողների, ուսուցիչների, ազդեցիկ մարդկանց և մեծահասակների ուշադրության, խորհդատվության ու քաջալերանքի կարևորությունը՝ իրենց առաջադեմ նախագծերն ու նորարարական գաղափարները կյանքի կոչելու նպատակով: Այդ համատեքստում երիտասարդները շեշտեցին ՄԱԿ-ի գործակալությունների դերը, նրանց նյութական և բարոյական աջակցությունը, կանոնավոր այցերը հեռավոր համայնքներ՝ երիտասարդների և նրանց ընտանիքների հիմնախնդիրներին ճշգրիտ ծանոթանալու և ուսումնասիրելու ու դրական փոփոխության ուղիներ փնտրելու նպատակով:
Հանդիպման ավարտին Հայաստանում ՄԱԿ–ի մշտական համակարգողի ժամանակավոր պաշտոնակատար Լիլա Փիթրս Յահիան բարձր գնահատեց պատանիների և երիտասարդների տոկունությունը, ուժող կամքն ու մղումը: Ողջունելով Սյունիքի համայնքներում նրանց ակտիվ գործունեությունը, նա պատրաստակամություն հայտնեց ՄԱԿ-ի հետ համագործակցության միջոցով՝ աջակցել երիտասարդներին համայնքային կյանքում նորարական բարեփոխումների գործում, ցանկանալով նրանց երազանքների իրականացում և երջանիկ ապագա:
