«Գորիսի մամուլի ակումբ» հասարակական կազմակերպությունը /ԳՄԱ ՀԿ/ ԱՄՆ ՄԶԳ կազմակերպության ֆինանսավորմամբ իրականացվող «Տեղական ինքնակառավարում՝ հանուն Գորիս համայնքի զարգացման» ծրագրի շրջանակներում հայտարարում է Ավտոմեքենայի գնման բաց մրցույթ, որին մասնակցելու պարտադիր պահանջներն են.
Պահանջներ մասնակցին
- Մասնակիցը պետք է գրանցված լինի որպես իրավաբանական անձ, կամ անհատ ձեռնարկատեր /Ա․Ձ․/:
- Մատակարարման աշխատանքների առնվազն 3 տարվա փորձառություն:
- Մասնակցելու իրավունք չունեն այն իրավաբանական անձինք, որոնք հայտը ներկայացնելու օրվա դրությամբ դատական կարգով ճանաչվել են սնանկ, ունեն ժամկետանց պարտքեր Հայաստանի Հանրապետության հարկային և պար` տադիր սոցիալական ապահովության վճարների գծով:
Մրցույթի ծածկագիր՝ 23-01 ԱՄ
Մրցույթում հաղթող ճանաչված մասնակցին սահմանված կարգով կառաջարկվի կնքել համապատասխան գնման պայմանագիր։
Ծրագիրը ազատված է ԱԱՀ-ից։
Մրցույթում հաղթող ճանաչված մասնակցին անհրաժեշտության դեպքում կտրվեն ԱԱՀ-ից ազատման տեղեկանքները։
Գնման ապրանքի անվանումները, քանակները և բնութագրերը, մրցույթին մասնակցելու իրավունքի սահմանափակումները սահմանված են սույն հայտարարությանը կից Բաց մրցույթի կարգում:
Ավտոմեքենայի մոդելը և բնութագրերը սահմանված են սույն հայտարարությանը կից Ավտոմեքենայի բնութագիրը ֆայլում։
Մրցույթի անցկացման, հայտերի ներկայացման, հաղթողին որոշելու, ինչպես նաև մրցույթի ընթացակարգին վերաբերվող այլ գործընթացները նկարագրված են սույն հայտարարությանը կից տրամադրվող Բաց մրցույթի կարգում:
Հայտերն անհրաժեշտ է ներկայացնել սույն հայտարարության պահանջներին համապատասխան՝ ըստ կից Անհրաժեշտ փաստաթղթերի ցանկում սահմանված փաստաթղթերի:
Հայտերն անհրաժեշտ է ներկայացնել հայերեն լեզվով:
Մրցույթի հայտերը պետք է ներկայացնել «Գորիսի մամուլի ակումբ» ՀԿ գրասենյակ փակ ծրարներով՝ սոսնձված և փակման տեղում կնքված:
«Գորիսի մամուլի ակումբ» ՀԿ-ն պատասխանատվություն չի կրում փոստով ուղարկված հայտերի` վերջնական ժամկետից ուշ, կամ բացված տեսքով, կամ վնասված փաթեթ ստանալու դեպքերում:
Ժամկետից ուշ ստացված կամ էլեկտրոնային եղանակով ուղարկված հայտերը ՉԵՆ ԲԱՑՎԻ ԵՎ ՉԵՆ ԴԻՏԱՐԿՎԻ:
Հայտերն ընդունվում են մինչև 2023թ-ի ապրիլի 25-ը ներառյալ, ամեն օր, ժամը 11։00-ից մինչև 17։00-ը, բացի շաբաթ և կիրակի օրերից:
Հայտերի բացումը կկայանա 2023թ-ի ապրիլի 28-ին՝ ժամը 12:00-ին, «Գորիսի մամուլի ակումբ» ՀԿ գրասենյակում (հասցե՝ ք. Գորիս, Մաշտոցի 3):
Հավելյալ տեղեկությունների համար զանգահարել՝ (+374 98) 990731 հեռախոսահամարով, կամ գրել՝ gorispressclub@gmail.com էլ. փոստին:
Հայտի ձևաթուղթը
Բաց մրցույթի կարգը
Անհրաժեշտ փաստաթղթերի ցանկը
Ավտոմեքենայի բնութագիր կարող եք ներբեռնել՝ սեղմելով համապատասխան բառերի վրա։
