Քառօրյա խորացված ուսումնառության հնարավորություն
Երևան, նոյեմբերի 12-15 և 19-22
Եթե մտահոգված եք արդարության հաստատման, իրավունքների պաշտպանության ու ընդլայնման, բռնատիրություն և կառուցվածքային բռնություն թոթափելու հարցերով, սակայն չգիտեք՝ ինչ ուղիներով կարելի է դրանց հասնել, ապա քառօրյա խորացված այս ուսումնառությունը լավ առիթ է բացահայտելու պայքարի ոչ-բռնի տեխնոլոգիան, մտածելու բռնության, ոչ-բռնության, քաղաքացիական պայքարի, արդարության, ժողովրդավարության հիմնարար գաղափարների շուրջ և զարգացնելու ռազմավարական և մարտավարական հմտություններ։Սա դասընթաց չէ, որտեղ դասընթացավարները միայն մատուցելու են տեսական նյութ և փոխանցելու են պրակտիկ հմտություններ, այլ հնարավորություն է ինտենսիվորեն ընդգրկվելու ընդհանուր մտագրոհի, մտքերի ու փորձի փոխանակման, վերլուծական և ռազմավարական պլանավորման հմտությունների զարգացման գործընթացի մեջ։ Վերջապես, հանդիպման ժամանակ կխոսվի նաև, թե ինչու է «ոչ-բռնի»ն գրվում գծիկով և ոչ՝ առանձին։
Ուսումնառության հիմնական թեմաներն են՝
1. Ոչ-բռնության հարացույցը (պարադիգման) և արժեքները
2.Քաղաքացիական դիմադրություն, ոչ-բռնության առավելությունը զինված և բռնի պայքարների նկատմամբ
3.Ուժ, ուժի աղբյուրներ, ուժերի վերլուծություն, ուժի դերը պայքարում
4.Քաղաքացիական դիմադրության հաջողության նախադրյալները
5.Սոցիալական շարժումների և պայքարների դինամիկան (փուլերը)
6.Ռազմավարական և մարտավարական պլանավորում
7.Ոչ-բռնի պայքարի մեթոդներն ու միջազգային կիրառությունը
8.Բռնաճնշումներ, դրանց հետհարվածը և ինչպես հաղթահարել դրանք
9.Բռնի թևերը շարժումներում, ինչպես վարվել դրանց հետ
Ուսումնառության հնարավորությունը ստեղծում է Թեղուտի պաշտպանության քաղաքացիական նախաձեռնությունը։ Ուսումնառությունից հետո մասնակիցները կարող են փոքր դրամաշնորհային ծրագրի դիմել՝ ոչ-բռնի պայքարի մասնակցելու համար անհրաժեշտ ռեսուրսներ ձեռք բերելու կամ այս տեսակի պայքարի մասին տեղեկություններ տարածելու նպատակով։
Երբ՝ 2015թ․ նոյեմբերին՝ երկու խմբերի համար, նոյեմբերի 12-15 և 19-22՝ ողջ օրվա տևողությամբ, հայերեն լեզվով
Որտեղ՝ Երևանում, կոնկրետ տեղը կհայտնվի ընտրված մասնակիցներին
Ով կարող է դիմել՝ մինչև 35 տարեկան կանայք և տղամարդիկ Հայաստանի ողջ տարածքից, ում մտահոգում են վերը նշված հարցերը
Ինչպես դիմել՝ մասնակցության համար անհրաժեշտ է լրացնել դիմումի հայտը և ուղարկել civicinitiative@teghut.am հասցեով մինչև հոկտեմբերի 30-ը։ Հայտերի ընդունումից հետո անց են կացվելու հարցազրույցներ։ Եթե մարզերից մասնակիցները Երևանում մնալու օժանդակության կարիք ունենան, այդ մասին կարող են նշել հայտում։
