Հայաստանում ծնունդների ամենափոքր և հղիության արհեստական ընդհատումների ամենամեծ թվեր գրանցվել են 2000- 2002թթ-ին։ Ճակատագրի հեգնանքով, սեպտեմբերի 27-ի Արցախյան պատերազմի ընթացքում զոհվեցին հենց այդ տարեթվերի ծնված տղաներ:
Բժիշկը չի հաստատում մարդկանց շրջանում տարածված այն խոսակցությունները, թե Covid-19-ի պատճառով հայտարարված
սահմանափակումների օրերին հղիություններն ավելացել են, սակայն նշում է, որ Արցախյան երկրորդ պատերազմից հետո 40 անց կանայք սկսել են դիմել բուժզննություններ անցնելու համար, որպեսզի երեխա ունենան։
-Երկու կեսարյան հատում ունեցող կինը, որը առողջական այլ խնդիրներ է կրում, որոնց դեպքում ցուցում չի տրվում երրորդ անգամ հղիանալ, ցանկություն են հայտնում համալրել ընտանիքը,-ասում է բժիշկը։ Նա նաև հավելում է, որ պատերազմից հետո հղիության արհեստական ընդհատումների թիվը չի ավելացել, ինչպես և միշտ, հիմա էլ, ըստ նրա, դրա հիմնական պատճառներից մեկը սոցիալական խնդիրներն են։
Պատերազմի, համավարակի հոգեբանական սթրեսը հաղթահարելու մասին են պատմում հղիներ Արմինե Սահակյանը, ով բուժաշխատող է և այդ օրերին մշտապես եղել է գործընկերների հետ, նաև՝ զինվորական Ասթինե Թումանյանը, ով հղիության ընթացքում մասնակցել է պատերազմական գործողությունների:
Ըստ Գորիսի ԲԿ-ի տվյալների 2019 թվականին մինչ մարտ ընդհանուր ծնված երեխանների թիվը 109 է, 2020-ին՝ համապատասխանաբար՝ 128, իսկ 2021-ին 127:
Սույն հոդվածը հրապարակվել է ԵՄ ֆինանսական աջակցությամբ: Հոդվածը արտացոլում է հեղինակի կարծիքը և պարտադիր չէ, որ արտացոլի ԵՄ տեսակետը։
