Անահիտ Բաղդասարյան
Կապան քաղաքի բնակիչներ Վալերիկ Մկրտչյանը եւ նրա տիկինը` Սիլվա Բալայանը, անհայտ պատճառներով զրկվել են 1994թ. սեփականության իրավունքով պատկանող գույքի նկատմամբ իրենց իրավունքներից: Այդ ամենը պարզ դարձավ 2006թ-ին, երբ կադաստրի Կապանի տարածքային ստորաբաժանման պատասխանատուները մերժել են ք. Կապան, Գ. Արզումանյան փ. 3-րդ նրբանցքում գտնվող թ. 33ա հերթական համարով իրենց պատկանող գույքի պետական առաջին գրանցման գործընթացով գրանցումը: Մինչև հիմա պարզ չէ, թե ո՞վ է յուրացրել սեփականության իրավունքով նրանց պատկանող գույքը:
2006թ-ից բազմիցս դիմել են իրավապահ մարմիններին՝ նրանց ուշադրությունը սեւեռելով տարբեր պաշտոնյաների կատարած ապօրինությունների վրա, սակայն իրավապահներն անուշադրության են մատնել այդ բոլոր չարաշահումները:
