Մարիամ Մաթևոսյան
Օգոստոսի 6-ին «Այբ» ավագ դպրոցում մեկնարկել է «Ամառային մեդիա դպրոց» ծրագիրը, որի շրջանակներում աշակերտները սովորում են մեդիա գրագիտություն, ծանոթանում տեսանկարահանման և տեսամոնտաժի նրբություններին:
«Այբ»-ը սովորելու նոր հարթակ է, որը նպատակ ունի մշակել եզակի կրթական տեխնոլոգիաներ՝ ի նպաստ հայկական կրթության մրցունակության բարձրացման:
Այս տարի ևս հանրապետության տարբեր դպրոցներից «Ամառային մեդիա դպրոց» ծրագրում ընդգրկվեցին ավագ դասարանների աշակերտներ: Սյունիքից մասնակցում են «Գորիսի մամուլի ակումբ» Հկ-ի կողմից իրականացվող «Ով էնպիսի լուր ասի» նախագծի անդամներ՝ Ավետ Դիշունցը/Խնձորեսկ/, Ջուլիետտա Բաղդասարյանը/Քարահունջ/, Լուսինե Պողոսյանը/Տաթև/. մարզից մասնակցում են նաև Էրիկ Ավագյան/Շինուհայր/, Արման Հարությունյան/Կապան/, Զաբել Առուստամյան/Գորայք/:
«Շատ ուրախ եմ, որ մասնակցում եմ նման դասընթացի: Այն լավ հնարավորություն է նրանց համար, ովքեր ցանկություն ունեն ավելին իմանալ նոր մեդիայի մասին: Դասընթացներն անցնում են ջերմ միջավայրում՝ ի շնորհիվ դասվար Հասմիկ Բաբաջանյանի»,-ասում է «Ամառային մեդիա դպրոց» ծրագրի մասնակից Ավետ Դիշունցը:
Նախատեսված է իրագործել չորս այսպիսի «Ամառային մեդիա դպրոց», յուրաքանչյուրի տևողությունը՝ 4 օր:
Մեդիագրագիտության դասընթացի շրջանավարտների կողմից նկարահանված և մոնտաժված լավագույն տեսադասերը կտեղադրվեն «Այբ» կրթական հիմնադրամի կայքում և հասանելի կլինեն լայն լսարանի համար։
