ՀՀ կենտրոնական ընտրական հանձնաժողովը 2021թ օգոստոսի 26-ին որոշում է ընդունել ԱԺ ժողովի համամասնական ընտրակարգով անցկացվող ավագանիների ընտրություններին մասնակցող կուսակցության, կուսակցությունների դաշինքում ընդգրկված կուսակցությունների գույքի և եկամուտների մասին հայտարարագրի ձևը։
Հոկտեմբերի 17-ին Գորիս, Տեղ, Տաթև համայնքերում կանյանալիք ՏԻՄ ընտրություններին մասնակցող կուսակցությունները, կուսակցությունների ցուցակում ընդգրկված առաջին երեք թեկնածուներն այդ ձևաչափով իրենց գույքի և եկամուտների մասին հայտարարագրերը ներկայացրել են տարածքային ընտրական հանձնաժողով։
Հայտարարագրերին կարող եք ծանոթանալ ստորև։
Տեղ համայնք, «Ապրելու երկիր» կուսակցություն
«Ապրելու երկիր» կուսակցության կողմից Տեղ համայնքի ավագանու թեկնածուների ցուցակի առաջին անդամ Արգամ Հովսեփյանը Տեղ համայնքային իշխանության վարչական ներկայացուցիչն է Արավուսում։ Նա իր հայտարարագրում որպես անշարժ գույք, հայտարարագրել է 0,2300 հա տնամերձ, վեց հա վարելահող և 0,8600հա խոտհարք։
Որպես եկամուտ նշել է 1,656 հազար դրամ աշխատավարձ՝ 504 հազար դրամ կենսաթոշակ և մեկ միլիոն հինգ հարյուր հազար դրամ գյուղատնտսական գործունեությունից ստացված եկամուտ։ Հայտարարգիրը ներկայացնելու օրվա դրությամբ նրա դրամական միջոցները կազմում են 5միլիոն դրամ։
Ասպետ Սաղաթելյանը ցուցակում երկրորդն է, չի աշխատում։ Որպես անշարժ գույք, հայտարարագրել է 170 քառ․մ բնակելի տուն Տեղ գյուղում և 4,4 հա վարելահող։ Որպես եկամուտ նշել է երկու միլիոն 500 հազար դրամ գյուղատնտեսական գործունեությունից ստացված եկամուտ։ Հայտարարգիրը ներկայացնելու օրվա դրությամբ նրա դրամական միջոցները կազմում են 1, 5միլիոն դրամ։
Ինգա Հովհաննիսյանը չի աշխատում, Որպես անշարժ գույք հայտարարգրել է 0,1523 հա տուն Տեղ գյուղում և նույն բնակավայրում 4,4 հա վարելահող։ Որպես եկամուտ նշել է գյուղատնտեսական գործունեությունից ստացված եկամուտ՝ հինգ հարյուր հազար դրամ, Հայտարարգիրը ներկայացնելու օրվա դրությամբ նրա դրամական միջոցները կազմում են 400 հազար դրամ։
Տեղ համայնք «Քաղաքացիական պայմանագիր» կուսակցություն
Դավիթ Ղուլունցը Քաղաքացիական կուսակցության կողմից առաջադրված թեկնածուների ցուցակի առաջին տեղում է; Չի աշխատում։ Նրա կողմից հայտարարգրվել է որպես միանձնյա սեփականություն երեք հատ` 120քմ, 310 քմ, և 140ք․մ շենք շինություն՝ Տեղ գյուղում, համատեղ սեփականությամբ 88ք.մ շենք շինություն Երևանում և երկու հողամաս Տեղ գյուղում` 2078 հա և 141 քառ․մ։
Թեկնածուն հայտարարագրել է նաև շարժական գույք՝ չորս ավտոմեքենա՝ Ֆորդ տրանզիտ(2003թ․), Վազ 21-214(2012թ․), Օպել կոմբո(2010թ․) և Լանդ-կրաուզեր(2019թ․):
Վերջին տարվա համար եկամուտ չի հայտարարգրվել, հայտարարագիր ներկայացնելու օրվա դրությամբ նրա դրամական միջոցները կազմել են 27 միլիոն դրամ։
Արամ Միրզոյանը Քաղաքացիական պայմանագիր կուսակցության ընտրացուցակի երկրոդ անդամն է, չի աշխատում։ Նա իր հայտարարագրում անշարժ և շարժական գույք չի հայտարարագրել։ Որպես եկամուտ, նշել է Քաշաթաղի Տանձուտ գյուղի դպրոցից ստացված աշխատավարձը՝ 1միլիոն 344 հազար դրամ։ Հայտարարգիրը ներկայացնելու օրվա դրությամբ դրամական միջոցներ չի հայտարարագրել։
Նազիկ Բաղդասարյանը ընտրացուցակում երրորդն է, որպես փոխտնօրեն, աշխատում է Տեղ գյուղի թիվ 1 դպրոցում։ Նա իր հայտարարագրում որպես անշարժ գույք, հայտարարագրել է 120 քառ․ մ շենք շինություն Տեղ գյյուղում և յոթ հեկտար վարելահող նույն բնակավայրում։ Որպես եկամուտ նշել է դպրոցից ստացված աշխատավարձը՝ 2 միլիոն 364 հազար դրամ։ Հայտարարգիրը ներկայացնելու օրվա դրությամբ դրամական միջոցներ չի հայտարարագրել, ինչպես նաև շարժական գույք։
Շարունակելի
