Գորիս համայնքի ավագանու նոյեմբերի 10–ին տեղի ունեցած արտահերթ նիստում ընթերցվեց Առուշ Առուշանյանի՝ համայնքի ղեկավարի պաշտոնի ստանձման երդման տեքստը։ Օրակարգայինն հաջորդ հարցը վերաբերում էր համայնքային իշխանության աշխատակազմի հաստիքացուցակում համայնքի ղեկավարի 1–ին տեղակալի հաստիքի ավելացմանը։ Հարցի վերաբերյալ զեկուցող աշխատակազմի ֆինանսատնտեսական և եկամուտների հավաքագրման բաժնի պետ Նարեկ Մնացականյանի խոսքով՝ հաստիքացուցակում առաջիկայում դեռևս փոփոխություններ են լինելու, և օրակարգային հարցով քննարվում է միայն այս հաստիքի ավելացումը։
ՏԻՄ օրենքի 57–րդ հոդվածի համաձայն համայնքի ղեկավարը կարող է ունենալ մեկ առաջին տեղակալ։ Նրանից բացի համայնքի ղեկավարը կարող է ունենալ ևս մեկ տեղակալ: Հիշեցնենք, որ մինչ այժմ Գորիս համայնքի ղեկավարն ուներ երեք տեղակալ։
Քննարկության արդյունքում ավագանու հերթական նիստը նշանակվեց նոյեմբերի 22-ին, ժամը 14։00–ին։
Լրագրող
