Արցախյան 44-օրյա պատերազմից հետո ստեղծված ճգնաժամն ավելի է խորացել ռուս-ուկրաինական պատերազմի պատճառով։ Սյունիքի մարզում գործող բիզնես ընկերություններից ոմանք արդեն իսկ կրում են Ռուս-ուկրաինական պատերազմի ազդեցությունը։ Հանրապետության կաթնամթերքի արտադրության ոլորտում իր մասնաբաժինն ունեցող Էլոլա ընկերությունն, օրինակ, անորոշ ժամանակով դադարեցել է արտադրանքի արտահանումը դեպի Ռուսաստան և Ամերիկայի Միացյալ Նահանգներ։ Որոշները չեն շտապում նոր ներդրումներ կատարել։ Մյուս կողմից, պատերազմի պատճառով Ռուսաստանի դեմ տարբեր երկրների կողմից կիրառվող պատժամիջոցները, սահմանափակումները, կարող են շահեկան լինել Հայաստանի համար՝ նոր մասնագիտական ներուժ ներգրավելու առումով։ Մատակարող ընկերությունների կարծիքով առայժմ խուճապային տրամադրությունների առիթ չկա, պահեստավորված ապրանքը դեռևս կարող է ապահովել պահանջարկը, անշուշտ, եթե պատերազմական իրավիճակը չփոխվի։ Ընթացող պատերազմի մասին հակասական տրամադրություններ կան նաև հանրության շրջանում, ոմանք մտահոգ են, որ հնարավոր է ապրանքների դեֆիցիտ։ Սակայն մատակարարող ընկերություններն այս հարցում լավատես են, կան պահուստային պաշարներ, սակայն դոլարի փոխարժեքի տատանման պատճառով չեն բացառվում, որ կլինեն թանկացումներ։
Ռուս-ուկրաինական պատերազմի ազդեցությունը տեղական բիզնեսի վրա
