Ամեն ինչ սկսվեց այսպես՝ փոքր գործերով, բայց՝ հաջողելով, նաև դժվարություններով։ Սկզբում քիչ էինք, հետո միմյանց փոխանցելով մեր փորձը, գիտելիքները, զարգացնելով հմտությունները, ընդլայնելով գործընկերների ցանցը, միմյանց վարակեցինք ոգևորությամբ, այն համոզմունքով, որ մենք ցանկանում ենք մասնակցել տեղական ինքնակառավարմանը։ Եվ ժամանակի հետ բազմապատկվեցին հաջողության մեր պատմությունները։
Մենք հեղինակ ենք համայնքային տարբեր նախաձեռնությունների․ մեզ կարող եք տեսնել համայնքի բյուջեն հաշվելիս, պաշտոնական կայքերը փորփրելիս, որոշումների կայացման գործում մեր ներկայությունը շեշտադրելով՝ տեղական ինքնակառավարման մարմինների ներկայացուցիչների հետ բանավիճելիս, հատկապես գյուղական բնակավայրերում՝ակտիվ երիտասարդների հետ, զարգացած համայնք ունենալու պլաններ մշակելիս։
Մենք մեր համաերկրացիների աչքն ենք, ականջը՝ տեղական իշխանություններում և ջանում խթանել երկխոսությունը, խրախուսել քաղաքացիներին, որպեսզի պահանջատեր լինեն, հետևողական՝ վերահսկելու, թե ինչ որոշումներ են ընդունվում իրենց կյանքի որակը բարելավելու մասին։
Նաև շատ պլաններ ունենք, որովհետև մեր մտահղացումներն այլևս չիրականացնելու պատճառ չունենք։
Հենց դրա համար ենք համախմբվել, հիմնադրել «Դինամիկա համայնքային զարգացման» հասրակական կազմակերպությունը, որպեսզի ՀաՄաՏեղ ամրապնդենք տեղական ժողովրդավարության դիրքերը Սյունքում;
