Վերջին տարիներին Գորիսում զբսաշրջությունը դարձել է զբաղվածության ապահովման միջոցներից մեկը: Տեղացիների զբաղվածությունը մինչև 2020 թվականը մեծ ծավալներով ապահովում էր զբոսաշրջության զարգացմանն ուղղված ենթակառուցվածքների ստեղծման, մասնավորապես հյուրանոցային բիզնեսի միջոցով: Սյունիքում զարգանում էր զբոսաշրջությունը և բացվել էին տասնյակ հյուրանոցներ, հյուրատներ տարբեր ոլորրտներում զարգանում էին ենթակառուցվածքները: Գորիսը հավակնում էր դառնալ զբոսաշրջային կենտրոն, սակայն սկզբում համավարակը, այնուհետև պատերազմը լուրջ մարտահրավերների առաջ կանգնեցրին զբոսաշրջության ոլորտին:
