Հայաստանում մահացությունն ըստ մահվան հիմնական պատճառների անփոփոխ է մնում տարիներ շարունակ: Դիտարկենք օրեր առաջ ՀՀ ազգային վիճակագրական ծառայության հրապարակած տվյալները այս տարվա առաջին չորս ամիսների վերաբերյալ.
2022 թվականի հունվար-ապրիլին 10.700 մահերի կեսից ավելիի՝ 5944-ի պատճառ է հանդիսացել արյան շրջանառության համակարգի հիվանդությունները:
Երկրոդ տեղում, ինրչպես տարիներ շարունակ, այդպես էլ այս տարի՝ նորագոյացություններն են՝ 1715:
Երրորդում՝ շնչառական օրգանների հիվանդությունները – 1026:
Եթե դիտարկենք նախորդ 2021 թվականի հունվար-դեկտեմբեր ամիսների տվյալները, ունենք հետևյալ պատկերը.
34.658 մահացած քաղաքացիներից 16.602-ի մահվան պատճառը կրկին արյան շրջանառության համակարգի հիվանդություններն են: Երկրորդ տեղում դարձյալ նորագոյացությունների բարձր թիվն է՝ 5312: Երրորդում շնչառական օրգանների հիվանդություններն են, որոնք խլել են 2919 քաղաքացու կյանք:
Ի՞նչ անել քաղաքացիների համար առողջապահական ծառայությունների հասանելիության և մատչելիության ապահովման համար, ինչպե՞ս կանխել սրտանոթային և ուռուցքային հիվանդությունների աճի միտումը: Հայաստանը կունենա՞ արդիական, բարձր որակի և Հայաստանի քաղաքացուն հասանելի մատչելի առողջապահական ծառայություններ:
«Region 5+»-ի դիտակետում առողջապահական խնդիրներն են. պարտադիր ապահովագրություն, բուժօգնության առաջնային օղակների՝ մեղմ ասած անմխիթար վիճակ, անհետաձգելի բուժօգնության կազմակերպման դժվարություններ, քաղաքացուն անհասանելի թանկարժեք ծառայություններ…
