Սաթենիկ Մանգասարյան
Այսօրվա երիտասարդները չեն սիրում թերթ կարդալ, ռադիո լսել, հիմա նախընտրում են օգտվել լրատվական կայքերից: Նրանց համար դա ավելի հեշտ է,ավելի արագ են գտնում իրենց հուզող տեղեկատվությունը: Ռոմա Հայրապետյանի համար, ով սովորում է Գորիսի թիվ 4 ավագ դպրոցում, նույնպես տեղեկատվության հիմնական աղբյուը համացանցն է: «Շատ հետաքրքիր կլիներ և’ ինձ, և’ հասակակիցներիս համար, որ հրատարակվեր մի թերթ, որտեղ Գորիսի խնդիրներից բացի նաև քաղաքի տեսարժան վայրերի մասին ներկայացվեր: Դա նաև Գորիս այցելող զբոսաշրջիկներին կհետաքրքրի.»-ասում է Ռոմա Հայրապետյանը: Տարիներ առաջ կային դպրոցական պատի թերթեր, որոնք այսօր չեն հրատարակվում, մինչդեռ դրանք աշակերտներին օգնում էին, որպեսզի վեր հանեին թե դպրոցի, և թե քաղաքի հարցերն ու խնդիրները:Գորիսի թիվ 4 դպրոցում 2012թ. աշակերտների շնորհիվ ստեղծվեց «Սուր անկյուն» թերթը, որն ամիսը մեկ անգամ էր տպագրվում, և աշակերտներն անհանբերությամբ էին սպասում հաջորդին:
Աննա Դավթյանը, ով քաղաքապետարանի հանրային կապերի մասնագետն է, դժգոհ է Գորիսում գործող լրատվամիջոցներից: «Եթե քաղաքում ինչ-որ միջոցառում է լինում, քաղաքացիներին դժվարությամբ ենք կարողանում իրազեկել»: Մեզ աջակցում է «Լաստ» հեռուստաընկերությունը, «Զանգեզուր» ,«Բան ու գործ» թերթերը:
2001թ.-ից ինչ գործում է «Փերի» մանկական թերթը, որտեղ երեխաները ներկայացնում են նաև իրենց ստեղծագործությունները: Թերթի խմբագիր Էլմիրա Բալասանյանը նշում է, որ դպրոցականները շատ ակտիվ են: Ըստ նրա Գորիսում լրատվական դաշտում զարգացման միտումներ կան, ըստ նրա այսօր որոշ լրագրողներ «խոսքի ազատություն»-ը այլ կերպ են ըմբռնում: Մեր ամբողջ Հանրապետությունում լրատվական այդ կուլտուրան դեռ լավ զարգացած ու արմատավորված չէ:
Թիվ 4 ավագ դպրոցի տնօրեն Արմինե Շեգունցը դեմ չէ, որ աշակերտները օգտվեն լրատվական կայքերից. «Ինձ համար առաջնային է, որ աշակերտները իրազեկ լինեն. թե ինչպես` կարևոր չէ: Կարծում եմ` տեղեկատվական դաշտում առաջընթացն ակնհայտ է»:
Այդ կարծիքը չի կիսում Գորիսի քաղաքապետ Նելսոն Ոսկանյանը, ում կարծիքով Գորիսում լրատվամիջոցները թույլ են զարգացած:
