Ձին ողջ էությամբ կենսուրախ ու լավատես է, սիրում է տարածություն, մարդաշատ հավաքներ, զվարճանքներ: Այնպես որ, նախատոնական օրերին բոլորովին վատ չէ պատկերասրահ, կինոթատրոն, համերգ կամ էլ խնջույք գնալը: Բայց դրանով հանդերձ, պետք է նաև հիշել, որ Ձին անչափ կապված է տան, ընտանեկան օջախի հետ:
Դրա համար ավելի լավ է Նոր տարին ացկացնել ընտանիքի և հարազատների հետ`ուրախ և աղմկոտ ընկերախմբով, հոգեհարազատ մարդկանց շրջապատում, ինչպես նաև չմոռանալ զանգահարել և շնորհավորել որքան հնարավոր է շատ ծանոթների, բարեկամների և ընկերների: 
Որտե՞ղ և ինչպե՞ս դիմավորել
Լավատես և կենսուրախ Ձին, ինչպես ասացինք, սիրում է ազատ տարածքներ, ազատություն, ինչի շնորհիվ անտարբեր չէ մարդաշատ խնջույքների, երեկույթների նկատմամբ: Նոր տարվա դիմավորման կատարյալ տարբերակ է հարազատների և ընկերների հետ անցկացնելը. այն կարելի է սկսել տանը և շարունակել քաղաքի գլխավոր եղևնու շուրջ զբոսանքով:
Ընտանեկան համեստ հավաքույթի սիրահարների սովորությունը Ձին ևս չի կոտրի: Այս կենդանին կապված է տան հետ, ինչի շնորհիվ էլ գնահատում է նաև զուսպ հավաքույթները, միայն թե դրան մասնակցեն ամենամտերիմ և միմյանց համար թանկ մարդիկ: Ձիերը կկարևորեն ընտանեկան հավաքույթն ու մտերմիկ խնջույքը, որին ներկա կլինեն միայն ամենամտերմ և կարևոր հարազատները:
Ի՞նչ հագնել
Ձին բնական գործվածքների սիրահար է`բամբակ, մետաքս, մորթի: Դրա համար տոնական հանդերձանքի հետ կապված հիմնական պահանջը սինթետիկ գործվածքներից խուսափելն է:
Ինչ վերաբերում է հագուստի տեսքին, այդ հարցում կատարյալ ազատ եք,միայն ցանկալի է , որ խիստ պաշտոնական իրեր չօգտագործվեն: Միակ բանը, որից արժե խուսափել խիստ կոստյումներն են, փողկապը, գրասենյակային զգեստը և չափազանց կիպ գրկող հագուստը:
Ձին գնահատում է ազատությունը, իսկ հագուստը չպետք է սահմանափակի շարժումները: Հանդերձանքի նախընտրելի գույներն են` սևը, շագանակագույնը, մոխրագույնը, սպիտակը, պուտավորը, իսկ տարվա հիմնական գույները`կապույտն ու կարմիրը կարելի է օգտագործել հարդարման պարագաների մեջ: Իսկ ահա այդ գույների վառ երագներից հարկավոր է խուսափել. դրանք կարող են վախեցնել ձիուն:
Ինչ վերաբերում է զարդերին, ապա հաշվի առնելով, որ տարվա խորհրդանիշ տարրը Ծառն է`փայտը, այս տարի արդիական են հենց փայտյա, եղեգնյա և այլ ,,բուսական,, զարդերը` ականջօղեր, թևնոցներ, վզնոցներ ու լանջազարդեր:
Ոսկյա, թանկարժեք քարերով զարդերն ու բիժուտերիան ավելի լավ է մի կողմ դնել: Ձիերի ճաշակով են նաև մարգարտյա վզնոցներ (հիմանականում` սև մարգարիտները):
Այնպիսի մանրուքներին, ինչպիսին սանրվածքն ու դիմահարդարումն են, Ձին առանձնապես ուշադրություն չի դարձնում: Թեպետ նրան հաճելի կլինի, որ տան տիրուհին կարճ սանրվածք անի կամ էլ իռակեզ անելու համարձակություն ունենա:
Ինչպե՞ս զարդարել բնակարանը
Աստղաբանները խորհուրդ են տալիս պահպանել այն նույն համեստ սկզբունքները, ինչ հագուստի հարցում: Եթե նույնիսկ որոշել եք եղևնին զարդարել կապույտ խաղալիքներով, կանաչ դրասանգներով, այնուամենայնիվ, սեղանին դրեք փայտյա ծաղկաման. դա բավարար կլինի Ձիուն գոհացնելու համար:
Առավել յուրօրինակ լուծումնե՞ր եք ուզում: Զարդարե’ք տունը գունավոր ուղղանկյուն թղթերով (դրանք կարելի է փակցնել հենց առաստաղից), քանի որ չինական մշակույթում Ծառի տարերքի խորհրդանիշը ուղղահայաց դրված ուղղանկյուն է:
Եթե ժամանակ և ցանկություն ունեք, կարող եք փայտյա ամանի մեջ ցորեն, վարսակ աճեցնել և այդ ,,փոքրիկ ամառը ,, տեղադրել տան արևելյան մասում. այն ոչ միայն կուրախացնի տան անդամներին , այլև բարեկեցություն կբերի:
Ամանորին տունը զարդարելիս դռների վրա զանգակներ կախել չարժե. Ձիու համար դրանք կենցաղային ծանր աշխատանքի խորհրդանիշ են, որոնք կարող են փչացնել նրա տրամադրությունը:
Ի՞նչ դնել սեղանին
Չինացիները համոզված են, որ Ձին շատ է սիրում ձուկ: Միանգամայն անսպասելի պնդում է, սակայն չինական ավանդույթներն ավելի լավ է չվիճարկել: Սեղանին որքան ձկնատեսակներ կամ ձկով ճաշատեսակներ լինեն, այնքան լավ, սակայն ծայրահեղ դեպքում կարելի է բավարարվել ,,մուշտակ,, աղցանի մեջ պահածոյացված ձկով, հատկապես, որ Ձին սիրում է նաև գազար, բազուկ և կարտոֆիլ:
Ամանորյա մյուս ճաշատեսակների ,,պարտադիր,, բանը թարմ, բուրումնավետ հացն է, խնձորը, գազարը, կանաչեղենը և ցանկացած քաղցրավենիքը, հատկապես`խնձորով թխվածքաբլիթը, ինչպես նաև կաթնային կոկտեյլը կամ պաղպաղակով մրգային աղցանը:
Մնացած դելիկատեսները` ըստ տան տիրուհու նպատակահարմարության: Ձին վճռական ,,ոչ,, է ասում միայն մեկ սննդատեսակի `ձիու մսով երշիկի:
Խմիչքներից նախընտրելի են ջուրը, հյութերն ու ոչ ալկոհոլային խմիչքները:
Միակ խմիչքը, որ ողջունելի է, ավանդական շամպայնն է:
Նվերներ
Հարազատ մարդկանց համար նախատեսված նվերները, նույնպես պարտադիր տարր են Ամանորի համար: Տարեմուտի գիշերը նախապատվությունը պետք է տալ էժան նվերներին:
Ձիու տարում ծնվածների համար նվերներ ընտրելիս պետք է շատ ուշադիր լինել: Տարվա բոլոր ծնվածներին մեծ պատասխանատվություն է սպասում. խնդիրները, որոնց կհանդիպեք այս տարի, կլուծվեն միայն երկարատև ճամփորդության տեսքով նվերների օգնությամբ: Ձիերը նպաստում են մեծ բաժանումներին: Կարելի է նաև ծաղիկներ նվիրել` նարգիզ, մանուշակ,լիլիա, որոնք կարող եք նաև սեղանին դնել:
