Էմմա Հայրապետյանն արմատներով գերմանուհի է, ծնվել և մեծացել է Ռուսաստանի Դաշնությունում, իսկ այժմ ապրում է Հայաստանում։ Էմման ամուսնությունից հետո մշտական բնակություն է հաստատել Հայաստանում։
Մեր պատանի վավերագրողներին շատ էր հետաքրքրում հերոսուհու պատմությունն, այն թե ինչպես է վերջինիս այլ ազգություն ունենալու հետ մեկտեղ ուրիշ մշակույթում ապրում, ստեղծում, հարմարվում և Հայաստանն իր միակ հայրենիքը համարում։
Էմմայի տղան զոհվել է 44-օրյա պատերազմի ժամանակի, երբ կամավորագրվել էր մասնակցելու հայրենիքի պաշտպանությանը:
Հերոսուհին նշում է, որ իրեն հայրենիքից կտրվելը դժվար է տրվել, սակայն հայկական մշակույթը, մարդկանց բարությունն ու գյուղի կոլորիտն ազդել են վերջինիս Ակներ գյուղում ապրելուն, ստեղծելուն և հայրենիքի արժանի
զավակներ պարգևելու գործում:
Նա սկզբնապես անգամ հայերեն չէր կարողանում խոսել, իսկ հիմա իր թոռներին է օգնում սերտել հայոց այբուբենը:
