Գորիսում՝ ֆրանսիական շնչով. ֆրանսախոսների մշակութային կենտրոնը նշեց հիմնադրման 20-ամյակը

Գորիսում նշվեց ֆրանսախոսների մշակութային կենտրոնի հիմնադրման 20-ամյակը։ Հոբելյանը տոնվեց մշակութային բազմաբովանդակ միջոցառումներով՝ ևս մեկ անգամ ընդգծելով հայ-ֆրանսիական երկարամյա բարեկամությունը, համագործակցության հարուստ ճանապարհը և դրա արդյունքում արձանագրված նշանակալի ձեռքբերումները։

Միջոցառմանը ներկա էին Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին, Սյունիքի մարզպետ Ռոբերտ Ղուկասյանը, Գորիս համայնքի ղեկավար Առուշ Առուշանյանը, ԱԺ պատգամավոր Արմեն Խաչատրյանը, Օվերնյ-Ռոն-Ալպ նահանգի Պույ-ան-Վըլե քաղաքի քաղաքապետ Միշել Շապուհանը, ինչպես նաև պատվավոր այլ հայ և օտարերկրյա հյուրեր։

 

1 of 7

- +

1.

2.

3.

4.

5.

6.

7.

Հոբելյանական միջոցառման ընթացքում ներկայացվեցին ֆրանսիական կենտրոնի անցած ուղին, գրանցած հաջողություններն ու Գորիս համայնքում ունեցած կարևոր ներդրումը՝ որպես ֆրանսախոս մշակույթի, կրթության և բարեկամության յուրօրինակ կամուրջ։ Տարիների ընթացքում կենտրոնը դարձել է ոչ միայն լեզվի ու մշակույթի տարածման հարթակ, այլև մարդկանց, քաղաքների ու արժեքների միջև կապ ստեղծող ջերմ միջավայր։

Հայաստանում Ֆրանսիայի արտակարգ և լիազոր դեսպանն իր շնորհակալությունն ու երախտագիտությունը հայտնեց Գորիս համայնքին՝ հայ-ֆրանսիական համագործակցության ամրապնդման համար։ Նա ընդգծեց, որ այդ համագործակցությունը կրելու է շարունակական բնույթ և նպաստելու է երկու երկրների միջև հարաբերությունների առավել խորացմանը։

Իր խոսքում դեսպանն ասաց, որ Գորիսն ամենամեծ ֆրանկոֆոն քաղաքն է Հայաստանում, ինչն արդեն իսկ վկայում է երկու ֆրանկոֆոն երկրների միջև ձևավորված ամուր և վստահելի կապի մասին։ Նշվեց նաև, որ կենտրոնի հիմնադրման 20-ամյակը խորհրդանշական կերպով նշանավորվում է նոր ֆրանկոֆոն կենտրոնի բացմամբ՝ Քաջարան համայնքում։

 

1 of 13

- +

1.

2.

3.

4.

5.

6.

7.

8.

9.

10.

11.

12.

13.

Միջոցառումն ամփոփվեց հայ-ֆրանսիական երաժշտական երեկույթով, որի ընթացքում հնչեցին հայկական և ֆրանսիական երաժշտության լավագույն ստեղծագործությունները։ Երեկոն դարձավ մշակույթների գեղեցիկ երկխոսություն՝ լի ջերմությամբ, բարեկամության շնչով և այն համոզմամբ, որ Գորիսում սկիզբ առած այս համագործակցությունը դեռ երկար շարունակելու է նոր կամուրջներ կառուցել Հայաստանի և Ֆրանսիայի միջև։

Ալինա Վարդանյան