«Zealous» ծրագրային ապահովման մշակման ընկերությունը նշել է իր հիմնադրման 14 ամյակը, որը նշանավորվել է ընկերության նորակառույց շենքի բացման արարողությամբ։
Ընկերությունը տարիների ընթացքում կարողացել է իր շուրջը հավաքել մեծ թվով աշխատակիցներ, որոնք Գորիս և հարակից համայնքներից են։ Մասնաճյուղի գործունեության ազդակը եղել է այն, որը այն կարողացել է ճանաչելի դարձնել Գորիսը որպես տեղեկատվական տեխնոլոգիաների մարզային կենտրոն և հետաքրքրություն ստեղծել այլ ընկերությունների կողմից այստեղ գործունեություն ծավալելու համար։ Ընկերությունը ամեն տարի կազմակերպում է վերապատրաստման դասընթացներ համայնքի երիտասարդների համար, ովքեր հնարավորություն են ունենում սովորել ծրագրային ապահովման հիմունքներ և հետագայում ստանալ հնարավորություն աշխատանքի տեղավորվելու համար։
«Zealous»-ը իր գործունեության ընթացքում համագործակցություն է ձեռք բերել տեղական կրթական հաստատությունների՝ Գորիսի պետական համալսարանի, Գորիսի պետական բազմագործառութային քոլեջի հետ և ուսանողները հնարավորություն են ունենում փորձուսուցում անցնել ընկերությունում։
Տեխնոլոգիական ընկերության ներկայությունը Գորիսում նոր հնարավորություններ է ստեղծում ոչ միայն ոլորտի զարգացման, այլև Գորիս և հարակից համայնքների երիտասարդության համար՝ ցույց տալով, որ մասնագիտական աճի համար մայրաքաղաք տեղափոխվելն այլևս միակ ճանապարհը չէ և տեղում կարելի է որոնել հնարավորությունները։
