Մարիամ Մաթևոսյան
Մարտի 10-ին Գորիսի «Միրհավ» հյուրանոցում ներկայացվեց Սիվիլիթաս հիմանդրամի՝ թվով վեցերորդ տարեկան զեկույցը, որը կրում է «Հայաստան-2013. Ակնկալիքների և անակնկալների տարի» խորագիրը: Զեկույցում ամփոփ ներկայացվում են երկրի նախորդ տարվա կարևորագույն իրադարձությունները, մասնավորապես, անդրադարձ է կատարվում Հայաստանի արտաքին քաղաքականությանը, ներքաղաքական իրադարձություններին և տնտեսությանը:
Գորիսում տարեկան զեկույցը ներկայացրեց լրագրող, Սիվիլիթաս հիմնադրամի փորձագետ, Թաթուլ Հակոբյանը: Նրա խոսքով՝ զեկույցներն այլընտրանքնային վերլուծություն են Հայաստանի նախորդ տարվա իրադարձություններին մասին:
«Այս զեկույցն իր տեսակով տարբերվում է մնացած զեկույցներից այն իմաստով, որ գրված է ներսից, այսինքն ներկայացված իրադարձություններն արձանագրվել են «իրական» Հայաստանի քաղաքացիները: Զեկույցում մենք փորձում ենք առաջարկել նաև առկա խնդիրների լուծման տարբերակները»,-նշում է Թ. Հակոբյանը:
Զեկույցը կյանքի է կոչվել մի խումբ լրագրողների, դիվանագետների, վերկուծաբանների, քաղաքագետների, ինչպես նաև տարածաշրջանը պատկերացնող մարդկանց շնորհիվ:
Այս տարվա զեկույցում Հայաստանի արտաքին քաղաքականության բաժնում տեղ են գտել Հայաստանի Մաքսիային միության անդամակցությունը, ներքաղաքական իրադարձություններում հիմնականում անդրադարձ է կատարվել ՀՀ նախագահական ընտրությանը և դրան հաջորդած Ռաֆֆի Հովհանիսյանի «Բարև» քարոզարշավին, իսկ տնտեսական բաժնում, որպես երկրի կարևորագույն իրադարձություն, ներկայացվել է կենսաթոշակային նոր համակարգը, որի շուրջ զարգացումները դեռևս շարունակվում են:
«Հայաստան-2013. Ակնկալիքների և անակնկալների տարի» խորագիրը կրող զեկույցն ամեն տարի պարբերաբար ներկայացվում է Երևանում, Գյումրիում, ինչպես նաև Ստեփանակերտում: Սիլիլիթաս հիմանդրամը պատրաստվում է զեկույցը ներկայացնել նաև Հանրապետության այլ բնակավայրերում:
Ներկայացվեցին նաև Հայաստանի նախկին արտգործնախարար Վարդան Օսկանյանի երկու նոր գրքերըը, որոնք կրում են «Անկախության ճանապարհով» և «Անավարտ տասնամյակ» խորագիրերը:
