Քրիստինե Հայրապետյան
7-8 տարի ԱՄՆ-ում հիմնված “Focus on Children Now” բարեգործական կազմակերպությունը Արցախի և Հայաստանի անապահով ընտանիքների երեխաների համար իրականցնում է երեք ծրագիր՝մարդասիրական, սննդի և կրթական:
Կազմակերպության հայաստանյան մասնաճյուղն “Կաթի” ծրագիր է իրականացնում նաև Գորիսի թիվ 5 նախակրթարանում, որի շնորհիվ երեխաների սննդի օրաբաժնում ավելացել է կաթնամթերքի քանակը: Ծրագրի շրջանակներում երեխաներին ամսական 120 հազարի կաթնամթերք է տրվում:“Focus on Children Now” հայաստանյան մասնաճյուղի ներկայացուցիչ Անահիտ Քալանթարյանը մեզ հետ զրույցում նշեց, որ մանկապարտեզի ընտրության համար դիտարկումներ են կատարվել, հաշվի են առնվել ոչ միայն տարածքի պայմանները,, այլև մանկավարժական, սպասարկող անձնակազմերի պատասխանատվությունը, կամեցողությունը:
Ծրագրի մեկ տարվա արդյունքը ընդհանրացնելու համար՝ կազմակերպության հայաստանյան ներկայացուցիչ Անահիտ Քալանթարյանն այցելել էր թիվ 5 նախակրթարան. “Արդեն մեկ տարի է անցել, և մեծ տարբերություն եմ նկատում,երեխաները մեծացել են և առողջ տեսք ունեն”- գոհունակությամբ նշեց նա:
Այս անգամ էլ “Focus on Children Now” բարեգործական կազմակերպությունը անակնկալ մատուցեց թիվ 5 նախակրթարանին ՝ նվիրելով 20 հատ երկհարկանի մահճակալ:
Նախակրթարանի տնօրեն Կարինե Մինասյանի խոսքով՝սենյակների տարածքի փոքր լինելու պատճառով՝ ստիպված նոր երեխաներ չէին ընդունում մանկապարտեզ և “Focus on Children Now” կազմակեպության նվիրած երկահարկանի մահճակալների շնորհիվ կավելանա մանկապարտեզ հաճախոս երեխաների թիվը:
