Մարիամ Մաթևոսյան
Ապրիլի 22-ին տեղի ունեցավ Սյունիքի Քարահունջ գյուղի մշակույթի տան բացման արարողությունը: Հանդիսությանը ներկա էին Քաունթերփարթ Ինթերնեշլն Հայաստանյան գրասենյակի ներկայացուցիչներ՝ ղեկավար Կարլ Հոֆստրանի գլխավորությամբ, ինչպես նաև տեղական և միջազգային այլ դոնորներ:
Քարահունջ համայնքի ղեկավար Լուսինե Ավետյանը, ողջունելով ներկաներին, մասնավորապես նշեց. «Ուրախ եմ բոլորիդ հյուրընկալել մեր համայնքում: Մշակութային օջախի հանդիսավոր բացումը կնպաստի ոչ միայն մշակութային կյանքի ակտիվացմանը, այլև հարթակ կդառնա, որտեղ անցկացվեն համայնքային ժողովներներ, հանրային քննարկումներ, տարբեր միջոցառումներ»:
Մշակույթի տունը վերջին անգամ վերանորոգվել է 1961թվականին, ապակենտրոնացումից հետո շինությունը տասնյակ տարիներ մատնվել է անգործության:
«Ակտիվ մշակույթային կյանք» ծրագրի շրջանակներում Մշակույթի տան վերանորգման համար անհրաժեշտ գումարը կազմել է 14 մլն. 449 հազար դրամ, որից 10 մլն. Դրամը տրամադրել է Քաունթերփարթ Ինթերնեշլն, իսկ 4 մլն. 449 հազար դրմամը ներդրվել է համայնքի բյուջեից: Դոնորի ֆինասավորմամբ «Մշակույթային համայնք» ծրագրի շրջանակներում Մշակույթի կենտրոնը համալրվել է նաև տեխնիկական սարքավորումներով:
Մշակույթի տան տնօրեն Վալերիկ Մանուչարյանի խոսքով մշակութային կյանքի ակտիվացումը կնպաստի գյուղի երիտասարդության աշխուժացմանը: «Այժմ ունենք գործող երկու պարի խմբակ, մոտ ապագայում կունենանք նաև ասեղնագործության, ինչպես նաև նախատեսում ենք շաբաթական երկու օր կազմակերպել ֆիլմի ցուցադրություններ, բայց արդեն նորոգված սրահում»,-նշում է երիտասարդ տնօրենը, ով իր առաջ նպատակ է դրել Քարահունջ համայնքը դարձնել տարածաշրջանի ամենաակտիվ մշակույթային կենտրոններից մեկը:
Համայնքի ղեկավար Լուսինե Ավետյանը հյուրերին ներկայացրերց այս տարիների ընթացքում կատարված աշխատանքները, այն կարևոր հաջողությունները, որն համայքն ապահովել է շնորհիվ բազմաթիվ տեղական և միջազգային դոնորների աջակցությամբ:
