Անահիտ Բաղդասարյան
Մայիսի 14-ին տեղի ունեցավ թիվ 37 ընտրատարածքային ընտրական հանձնաժողովի հերթական նիստը, որին ներկա էին հանձնաժողովի 6 անդամները: Օրակարգում հունիսի 8-ին կայանալիք ՏԻՄ ընտրություններում առաջադրված Գորիս և Թանահատ համայնքների ղեկավարների և Իշխանասարի ավագանու անդամների թեկնածուների գրանցման մասին հարցն էր: Հանձնաժողովը միաձայն քվեարկությամբ գրանցեց առաջադրված բոլոր թեկնածուներին:
Այսպիսով` Գորիս համայնքի ղեկավարի համար կպայքարեն Վաչագան Ադունցը, Արա Բուդաղյանը, Տիգրան Կարապետյանը, Հրայր Յոլյանը, որոնցից Վ. Ադունցը առաջադրվել է Հայաստանի հանրապետական կուսակցության կողմից, իսկ մյուս 3 թեկնածուները ինքնաառաջադրվել են: Թանահատ համայնքի ղեկավարի համար գրանցվեցին թեկնածուներ Արսեն Օհանյանը և Արծրունի Ղուկասյանը: Հանձնաժողովը գրանցեց նաև Իշխանասար համայնքի ավագանու համար առաջադրված 6 թեկնածուներին:Նիստին ներկա չէին ո՛չ թեկնածուները, ո՛չ էլ նրանց կողմից լիազորված անձինք:
Հիշեցնենք, որ քարոզարշավը կմեկնարի միայն մայիսի 21-ին և կավարտվի հունիսի 6-ին:
Տեսանյութը՝ Անահիտ Բաղդասարյանի
