Մարիամ Մաթևոսյան
Մայիսի 18-ին նշվող Թանգարանների միջազգային օրվա շրջանակում մայիսի 17-ին մեկնակել է «Թանգարանների գիշեր» համաեվրոպան միջոցառումը:
Այսօր, երեկոյան ժամը 18:00-ից իր դռներն է բացել նաև Գորիսի Ակսել Բակունցի տուն-թանգարանը: Թանգարանի բակում հավաքվել էին երիտասարդներ, գրողի անունը կրող դպրոցի ուսուցիչներ, աշակերտներ, որոնք էլ իրենց ասմունքով, երգ ու պարով հիացնում էին նեկաներին:
«Թանգարանների գիշեր» ակցիայի նպատակն է բարձրացնել թանգարանների դերը հասարակության սոցիալ-մշակութային կյանքում, ստեղծել նպաստավոր միջավայր թանգարանային առարկաների հանրահռչակման համար:
Սյունիքի մարզից ծրագրին է միացել Ն. Ադոնցի անվան Սիսիանի պատմության թանգարանը, «Զորաց քարեր» բնակատեղի» պատմամշակութային արգելոցը, Կապանից՝ տեղի երկրագիտական թանգարանը, Շ. Մովսիսյանի անվան պատմության թանգարանը, իսկ Գորիսից՝ Ա. Բակունցի տուն-թանգարանն ու տեղի Երկրագիտական թանգարանը:
2013 թ.-ին «Թանգարանների գիշներ»-ին մասնակցել է 89 թանգարան, իսկ այս տարի մշակութային օջախների թիվը հասել է 100-ի: Օրվա կարգախոսն է՝ «Թանգարանները միավորում են մեզ» արտահայտությունը:
Այդ երկու օրերին գորիսեցիները կարող են այցելել քաղաքի թանգարաններ, որոնք գործելու են անվճար, իսկ վաղը միջոցառումների շարք կլինի նաև Երկրագիտական թանգարանում:
hetq.am
