Մարիամ Մաթևոսյան
Մայիսի 21-ից մեկնարկել է հունիսի 8-ին կայանալիք Գորիս համայնքի ղեկավարի ընտրությունների պաշտոնական քարոզչությունը: ՀՀ Ընտրական օրենսգրքի Գլուխ 5/Նախընտրական քարոզչություն/, Հոդված 20-ի համաձայն, թեկնածուները իրավունք ունեն հավասար հիմունքներով անարգել տարածելու քարոզչական պաստառներ, քարոզչական տպագիր և այլ նյութեր՝ որոշակի բացառություններով:
Նախընտրական քարոզչության ժամանակահատվածում քարոզչական պաստառները մինչ այժմ փակցված չեն պատերին, թեև արդեն կա Գորիս համայքնի ղեկավար Նելսոն Ոսկանյանի որոշումը:Ն. Ոսկանյանի որոշման համաձայն, համայնքի տարածքում քարոզչական պաստառներ փակցնելու համար անվճար առանձնացվել է՝ Նարեկացու փողոցի թիվ 6 բնակելի շենքի դեպի Սյունիքի փողոց նայող հարթ պատը, Սալ Քար թաղամասի թիվ 6 բնակելի շենքի դեպի Կապանի խճուղի նայող հարթ պատը, Մաշտոցի թիվ 3 շենքի դեպի եկեղեցի նայող հարթ պատը, Կոմիտաս փողոցի թիվ 30 բնակելի շենքի դեպի Սյունիքի փողոց նայող հարթ պատը, Մխիթար Սպարապետի հրապարակում գտնվող մանկական գեղագիտական կենտրոնի շենքի դեպի Գուսան Աշոտի փողոցը նայող հարթ պատը, Արմեն-Կարպետ ՓԲԸ /նախկին Հայգորգ Գորիսի մասնաճյուղ/ շենքի դեպի Բակունցի հրապարակ նայող հարթ պատը, Օրբելյանների թիվ 3 հասցեում գտնվող Պոլիկլինիկայի շենքի դեպի Գր. Տաթևացու փողոցը նայող հարթ պատը, Օրբելյանների թիվ 37 շենքի դեպի հյուսիս նայող հարթ պատը, Յու. Բախշյանի անվան փողոցում գտնվող Սպորտ դպրոցի շենքի հարթ պատը, Ավանգարդ թաղամասի Սևյան խաչմերուկում գտնվող մթերային խանութի հարթ պատը, Սարյան թիվ 17 բնակելի շենքի հարթ պատը, Ավանգարդ թիվ 3 հասցեում գտնվող նախկին հանրախանութի շենքի դեպի Մաշտոցի փողոցը նայող հարթ պատը, Թիվ 7 նախադպրոցական հաստատության շենքի հարավային մասի հարթ պատը, Սյունիքի փողոցի թիվ 134 բնակելի շենքի դեպի Սյունիքի փողոց նայող հարթ պատը, Գյուղքոլեջի /նակին ԲՈՒԱՏՊ/ շենքի դեպի արևմուտք նայող հարթ պատը:
Սույն օրենքի համաձայն, քարոզչական պաստառներ փակցնելու համար առանձնացված տեղերում համայնքի ղեկավարի թեկնածուների համար հատկացվում է յուրաքանչյուրին մեկ քառակուսի մետր տարածք:
Օրենքը թույլ է տալիս նաև համայքնի ղեկավարը քարոզչական պաստառների համար վճարովի հիմունքներով տեղեր առանձնացնել՝ ապահովելով ոչ խտրական և ոչ կողմնակալ պայմաններ:
