Վորլդ Վիժն Սիսիանի ՏԶԾ-ի աջակցությամբ «Գորիսի մամուլի ակումբ» և «Իտեկ» հ/կ-ների համագործակցությամբ իրականացվում է «Ես մասնակցում եմ իմ համայնքի զարգացմանը» նախաձեռնությունը, որի նպատակն է Սյունիքի մարզի Հարժիս, Շինուհայր, Խոտ, Աշոտավան, Լոր համայնքներում նպաստել համայնքների բնակիչների և ՏԻՄ մարմինների միջև փոխվստահության միջավայրի կայացմանը` համայնքային բյուջեի սեփական եկամուտների հավաքագրման և նպատակային օգտագործման գործընթացներում, բարձրացնել բնակիչների իրազեկության աստիճանը` համայնքի բյուջեի սեփական եկամուտների հավաքագրման և նպատակային օգտագործման գործընթացների վերաբերյալ, շահառու համայնքներում կիրառվող հարկահավաքման խրախուսական մեխանիզմների միջոցով բարձրացնել համայնքների սեփական եկամուտների հավաքագրման տոկոսային մակարդակը: Հունիսի սկզբից սկսվել են նախնական այցելությունները, որոնց ընթացքում ներկայացվում է նախաձեռնության նպատակը և համագործակցության հնարավոր միջոցները, ինչպես նաև դիտարկումներ են կատարվում, թե թիրախային համայնքներում զարգացման ինչ ռեսուրսներ կան, որոնց միջոցով հնարավոր է լրացուցիչ եկամուտներ ապահովել տեղական բյուջեի համար և դրանք ուղղել համայնքների զարգացմանը:
Գորիսի մամուլի ակումբ
