Այսօր, ժամը 14:50-ի սահմաններում ահազանգ է ստացվել, որ Նոր կյանք թաղամասի հարակից անտառային գոտում հրդեհ է բռնկվել: Գորիսի Հրշեջ-փրկարարական ծառայությունից gorispress.am-ին տեղեկացրին, որ ահազանգը ստացել են 14:54-ին, անմիջապես հետո դեպքի վայր է մեկնել 1 մարտական հաշվարկ: Դեպքի վայր են մեկնել նաև «Հայանտառ» ՊՈԱԿ-ի «Սյունիքի անտառտնտեսություն» մասնաճյուղի աշխատակիցները: Տնօրեն Արմեն Իշխանյանը մեզ հետ զրույցում նշեց, որ հրդեհի պատճառներն անհայտ են, բացի այդ տարվա այս եղանակին հրդեհների հավանականությունը մեծ է: Նրա խոսքով այրվել է 30-40 քառ. մետր անտառային տարածք: Հրդեհը մեկուսացվել է: Ըստ Ա. Իշխանյանի՝ նյութական վնաս չի պատճառվել: 
