2014 թվականի սեպտեմբերի 28-ին և 29-ին Հայաստանի Հելսինկյան կոմիտեն մարդու իրավունքների և խտրականության թեմաներով դասընթացներ կանցկացնի Արարատ և Գորիս քաղաքաներում «Վերապատրաստման դասընթացներ խտրականության դեմ» ծրագրի շրջանակներում:
Դասընթացները նախատեսված են Արարատ և Գորիս քաղաքաներում գործող ՀԿ-ների, տեղական ինքնակառավարման մարմինների ներկայացուցիչների, ակտիվ երիտասարդների, ուսանողների, լրագրողների համար: Դասընթացի մասնակիցները ձեռք կբերեն գիտելիքներ մարդու իրավունքների հասկացության, ծագման, սերունդների մասին: Նրանք կտեղեկանան խտրականության հասկացությանը և տեսակներին, ինչպես նաև խտրականության արգելքին վերաբերող միջազգային և ներպետական փաստաթղթերին:
Դասընթացները կվարեն Հայաստանի Հելսինկյան կոմիտեի նախագահ Ավետիք Իշխանյանը և փաստաբան Ռոբերտ Ռևազյանը: Ծրագիրը համակարգում են Հայաստանի Հելսինկյան կոմիտեի գործադիր տնօրեն Սիրվարդ Մամիկոնյանը, իսկ մարզային քաղաքներում՝ Հայաստանի Հելսինկյան կոմիտեի մարզային համակարգողներ Սուսաննա Շահնազարյանը և Նաիրա Մուրադյանը:
Ծրագիրը իրականացվում է Եվրասիա համագործակցություն հիմնադրամի և Նիդերլանդների Թագավորության աջակցությամբ:
Դասընթացների օրակարգին կարող եք ծանոթանալ այստեղ:
