Շուշան Օհանյան
Այսօր առավոտվանից Գորիս քաղաքում մեկնարկել են քաղաքի օրվան նվիրված տոնական միջոցառումները: «Գորիսյան օրեր» տոնակատարության մաս են կազմում մի շարք տարաբնույթ միջոցառումներ:
Ավանդական միջոցառումներին մասնակցելու համար Գորիս են ժամանել քույր-քաղաքների` Ֆրանսիայի Վիենի եւ Բելոռուսի Նեսվիժ քաղաքների պատվիրակությունները:
Համաքաղաքային տոնակատարությունները մեկնարկել են Գորիսի Մխիթար Սպարապետի հրապարակից, շարունակվել Հին Գորիսում. այցելություն Սուրբ Հռիփսիմե եկեղեցի, ներկայացում Հին Գորիսում պահպանված քարանձավային թատրոնում, որին տեղացիներն անվանում են «Ամֆիթատրոն»:
Այնուհետև ներկայացուցչական կազմը ծաղկեպսակներ դրեց Սերո Խանզադյանի և Ակսել Բակունցի հուշարձաններին, իսկ Ա. Բակունցի անվան տուն-թանգարանում հյուրերը ներկա գտնվեցին «Միրհավ» գրական ակումբի կողմից պատրաստված միջոցառմանը:
Մշակութային, սպորտային միջոցառումներ, ցուցահանդեսներ, ավանդական հյուրասիրություն. տոնական միջոցառումները քաղաքում շարունակվելու են ողջ օրվա ընթացքում:
[nggallery id=52]
