Մարիամ Մաթևոսյան
Այսօր Սյունիքի մարզի Շուռնուխ գյուղում Տեղական ինքնակառավարման մարմինների ընտրություններ են անցկացվում: Ի սկզբանե համայնքի ղեկավարի ընտրությանն իրենց թեկնածությունն են առաջադրել գործող գյուղապետ, ՀՀԿ անդամ Հակոբ Արշակյանը, Բարգավաճ Հայատաստան կուսակցության անդամ Գավրուշա Հակոբյանը, անկուսակցական Վահան Բեգլարյանը, ով ավելի ուշ ինքնաբացարկ է հայտնել: Մյուս ԲՀԿ թեկնածուն եւս դուրս է եկել ընտրապայքարից` հետ վերցնելով փաստաթղթերը մինչ գրանցվելը:
«Իմ կուսակցությունն է ինձ առաջադրել, բայց ես ինքնակամ հրաժարվեցի, քանի որ, պարզ հաշվարկ անելով, հասկացա, որ ձայներ չեմ կարող հավաքել: Ավելի լավ էր նախապես հանել, քան հետո դնել ու արդյունքի չհասնել»,- ասում է ԲՀԿ անդամ, Գավրուշա Հակոբյանը, ով գործող ավագանի է:
Հանձնաժողովի նախագահ Ռոբերտ Հակոբյանի խոսքով` ընտրություններն անցնում են խաղաղ պայմաններում: Ժամը 11:00-ի դրությամբ 110 ընտրողներից տեղամաս է ներկայացել ընդամեը 6 ընտրող:
70-ամյա Ֆլորա Ղազարյանն առաջիններից էր, ով կատարել է իր ընտարական պարտքը: Նա պատմում է, որ սովարականի պես առավոտ շուտ արթնացել է, դիմացը վեր խոյացող սարին բարեւել, խնդրել, որ գոնե այս անգամ ընտրությունն իրենց կյանքը բարելավվի:
«Հող պետք է մշակեմ, սիլիտրա չկա: Ամբողջ Պարսկաստանն աչքիս առաջ կրած տանում են հսցնում Հայաստանի էն մի ծերը, բայց մի պարկ սիլիտրան 10.000 դրամ է վաճառվում»,-ասում է նա:
Հիշեցնենք, որ միաժամանակ Շուռնուխում համայնքի ավագանու ընտրություններ են անցկացվում:
