Անահիտ Բաղդասարյան
Կապանի տարածաշրջանի Ուժանիս համայնքի ՏԻՄ ընտրություններում համայնքի ղեկավարի համար պայքարում են գործող համայնքապետ Էդիկ Բեգլարյանն ու նրա տեղակալ Ազատ Նավասարդյանը։
Առաջին հայացքից ոգևորիչ թվացող այն հանգամանքը, որ Ուժանիսում մրցակցություն կա, միանգամից ի չիք է լինում, երբ խոսում ես ինքնաառաջադրված թեկնածու Ա․ Նավասարդյանի հետ։ «Ես որոշած չեմ եղել առաջադրելու իմ թեկնածությունը, բայց քանի որ ասել են, որ չի կարա մենակ մի թեկնածու լինի, ես էլ ստիպված առաջադրվել եմ»,-խոստովանում է նա։ Իսկ եթե հանկարծ համայնքի բնակիչներն իրեն ընտրեն, պատասխանեց, որ «հրաժարական կտա»։101 բնակչություն ունեցող համայնքում կա 72 ընտրող։ 15:30 դրությամբ ընտրության մասնակցել է 31 բնակիչ։ Որևէ ընտրախախտում չի գրանցվել։
Հիշեցնենք, որ հունիսի 7-ին Սյունիքի մարզի Լոր, Ուժանիս և Աղվանի համայնքներում տեղական ինքնակառավարման մարմինների ընտրություններ են։
hetq.am
