Հայտարարություն երիտասարդների համար
Եվրասիա համագործակցություն հիմնադրամը և «Ա. Դ. Սախարովի անվան մարդու Իրավունքների Պաշտպանության կենտրոնը» հրավիրում են Ձեզ մասնակցել Երիտասարդական Բանկ ծրագրին: Եթե Դուք 16- 25 տարեկան եք, և ուզում եք, որ ձեր կարծիքը լսելի լինի, մասնակցել Ձեր համայնքի բարելավմանը, նախաձեռնել դրական փոփոխություններ, ձեռք բերել առաջնորդի և ակտիվ քաղաքացու հմտություններ, պատրաստ եք գործ ունենալ իրական գումարների հետ,ապա միացեք Երիտասարդական Բանկ ծրագրին:
Ի՞նչպես մասնակցել.
Ծրագրին մասնակցելու պայմաններին ծանոթանալու համար «Ա. Դ. Սախարովի անվան մարդու Իրավունքների Պաշտպանության կենտրոնը» հրավիրում է Ձեզ մասնակցել ծրագրի մեկնարկային միջոցառմանը, որը տեղի կունենա նոյեմբերի 27-ին, ժամը 14:00-ին Գորիսի մամուլի ակումբում /Անկախության 2/ կամ զանգահարել 098990731 հեռախոսահամարով:
Ի՞նչ է երիտասարդական բանկը
Երիտասարդական բանկը (http://am.epfarmenia.am/am/program-portfolio/youth-program/youth-bank/) աշխարհի ավելի քան 25 երկրներում իրականացվող ծրագիր է, որը Հայաստանում իրականացվում է Եվրասիա համագործակցություն հիմնադրամի կողմից: Երիտասարդական բանկ կոմիտեների նպատակը տեղի երիտասարդությանը իրենց իսկ համայնքների զարգացման գործում ակտիվորեն ներգրավելն է: Երիտասարդական բանկը կամավոր երիտասարդների մի խումբ է, որին հնարավորություն է տրվում սովորել և իրականացնել դրամաշնորհային ծրագիր՝ իրենց հասակակիցների գաղափարներն իրագործելու համար:
Երիտասարդական բանկը բաղկացած է 5 անդամից: Վերջիններիս պարտականությունների մեջ է մտնում համայնքային ծրագրեր իրականացնելը. դրամաշնորհային ծրագրի հայտ ձևակերպելն ու հայտարարելը, ծրագրերի ընտրությունը, ֆինանսավորումը և մոնիտորինգը: Երիտասարդական բանկում անդամները միմյանց հետ աշխատում են առաջնորդության, հավասար մասնակցության, թիմային և ակտիվ համագործակցության սկզբունքներով:
Եթե ցանկանում եք դրսևորել Ձեր կարողությունները և մասնակցել համայնքի բարելավման գործին, ապա ներբեռնեք և լրացրեք դիմումի այս ձևը և ուղարկեք gorispressclub@gmail.com հասցեին:
