Մարիամ Մաթևոսյան
Ժամը 12:00-ի դրությամբ ՀՀ սահմանադրական փոփոխությունների հանրաքվեի 37/5 ընտրատեղամասի 679 ընտրողներից քվեարկությանը մասնակցել է 185-ը: Հանձնաժողովի նախագահ, «ՀԱԿ» կուսակցության անդամ Խաչիկ Հայրապետյանի խոսքով` ընտրություններն անցնում են հանգիստ, դեռևս ակտիվություն չի նկատվում:
Ընտրական գործընթացին հետևում են նաև «Ասպարեզ» ակումբի և «Իրավունքի Եվրոպա Միավորում» Հկ-ների դիտորդներ:
Թիվ 37 ընտրատարածքային ընտրական հանձնաժողովի նախագահ Արմեն Ստեփանյանը ընտրողների պասիվությունը կապում է նաև եղանակային պայմանների հետ «Մտածում եմ, որ շատ մեծ մասնակցություն կլինի»,-նշում է նա:Մինչ այժմ լիազոր թղթով հանրաքվեին մասնակցել է 3 քաղաքացի, վերջիններս անունները գրանցվել է նաև լրացուցիչ ցուցակում: 1 հոգի խոշորացույց է ցանկացել, կույրերի համար նախատեսված թղթից դեռ ոչ մեկը չէր օգտվել:
Քվեարկողներից մեկը փորձել է քվեարկել կնոջ փոխարեն, քանի որ կինը առողջության պատճառով չի կարողանում տեղաշարժվել, սակայն տեղամասային հանձնաժողովի քարտուղարն առարկել է, վկայակոչելով, որ ըստ ընտրական օրենսգրքի՝ շրջիկ արկղեր տրամադրվում է միայն հիվանդանոցներին, որտեղ ստացիոնար բուժում ստացող հիվանդները կարող են մասնակցել քվեարկությանը, մնացած բոլոր դեպքերում քաղաքացիները պետք է տեղամաս ներկայանան:
