Անահիտ Բաղդասարյան
Սյունիքի մարզի Հալիձոր համայնքում հանրաքվեի տարեց քվեարկողները հաճախ են «օգնող ուժի» կարիք զգում: Աղաջան Աբգարյանն, օրինակ, նշելով, որ մայրը տեսողության խնդիր ունի, քվեարկեց իր և մոր փոխարեն, և երկու քվեաթերթիկը միանգամից հայտնվեց քվեատուփում:
Հանձնաժողովի անդամներից ոչ մեկը չզգուշացրեց, որ չի թույլատրվում միասին քվեախցիկ մտնել ու քվեարկել ուրիշի փոխարեն: Միայն քվեարկությունից հետո հանձնաժողովի նախագահ Վրեժ Մկրտչյանը քարտուղարին հանձնարարեց արձանագրել անուն-ազգանունը:Նման դեպքեր հետո էլի կրկնվեցին, բայց հանձնաժողովի նախագահն արդեն ավելի ուշադիր էր:
Հալիձորի 37/27 ընտրատեղամասում քվեարկողների թիվը 442 է: 15:00-ի դրությամբ հանրաքվեին մասնակցել է 195 բնակիչ:
