Քրիստինե Հայրապետյան
Տեղամասի նախագահ ԲՀԿ կուսակցության ներկայացուցիչ Տիգրան Հովհաննիսյանի խոսքով` հանրաքվեն հանգիստ է անցնում, խախտումներ չեն արձանագրվել:
Ընտրողների մոտ համեմատաբար ակտիվություն նկատվեց կեսօրից հետո, նույնիսկ կուտակումներ առաջացան ընտրատարածքում: Մարդկանց մի մասը, որ մասնակցել էին քվեարկությանը, ասում էին, որ իրենք առանձնապես տեղյակ չեն սահմանադրության փոփոխության նախագծին, ուղղակի գիտեն, որ պիտի գնան և «Այո» քվեարկեն, ոմանք էլ, ինչպես իրենք նշեցին, որոշ չափով տեղեկացել են հեռուստատեսությամբ և վստահ են, որ պիտի մասնակցեն հանրաքվեին, որպեսզի մեր երկրում դրական փոփոխություններ լինեն:Միջին տարիքի մի տղամարդ, ով արդեն մասանկցել էր հանրաքվեին, ասաց, որ պիտի բոլորն ,, Այո,, ասեն, իսկ թե ինչու, պատասխանեց.«Մենք չենք կարող հրաժարվել մեր երկրի նախագահից»: Իսկ մի ուրիշ ընտրող էլ, որ չցանկացավ ներկայանալ, ասաց,որ առանձնապես տեղյակ չի թե ինչի համար են քվեարկում,միայն ավելացրեց, որ հարգում է գյուղապետին և դրա համար էլ ընտանիքով պիտի իր օգտին քվեարկեն»:
