Մարիամ Մաթևոսյան
Կոռնիձորի ջոկատի նախկին հրամանատար, զոհված ազատամարտիկ Կամո Գալստյանի՝ Չոփոի կինը երեկ մեկնել է ռազմաճակատ: Մասնագիտությամբ բուժքույր Լարիսա Գալստյանն ինքնակամ խնդրել է իրեն ուղարկել որդու՝ Մոնթեի մոտ, ով ծառայում է Հորադիզի ճակատում, սակայն ներկա պահին 44 ամյա Լարիսան օգնություն է ցուցաբերում Մարտաղիսի զինվորներին:
Կոռնիձորի համայնքի ղեկավար Արկադիա Խաչատրանը gorispress.am կայքին տված հարցազրույցում նշեց, որ Կոռինիձորի 10 հոգանոց ջոկատը միացել է սահմանին կռվող ստորաբաժանումներին:«Հաջորդ հերթափոխի համար արդեն 20-25 կամավորներ են գրանցվել: Բոլորն ինքնակամ են մոտնում: Առաջնահերթ գրանցում եմ զինված ուժերում ծառայած տղաներին»,-ասում է Ա. Խաչատրյանը:
Կոռնիձորի ջոկատում ընդգրկվում են 21-ից մինչ 65 տարեկան տղաներ: «Թեև 60-ից բարձր տղամարդկանց չենք ուզում գրանցել, բայց ինչ կարող եմ անել, մարդիկ հայրենիքի սահման են ուզում պաշտպանել»,-ավելացնում է Կոռնիձորի նախկին ազատամարտիկ համայնքի ղեկավարը:
5 կոռնիձորցիներ կամավոր արյուն են հանձնել Սյունիքի մարզային արյան փոխներարկման կայանոււմ:
