Անահիտ Բաղդասարյան
Երեկ Սյունիքի մարզից ավելի քան 250 զինապարտ մեկնել է սատարելու առաջնագծում մեր զինվորներին: Գորիսի զինվորական կոմիսարիատի զորահավաքային բաժանմունքի պետ, զինկոմի տեղակալ Արմեն Հարությունյանի խոսքով՝ ներկայումս էլ գորիսեցիները շարունակվում են հաշվառվել ու անհրաժեշտության դեպքում պատրաստ են մեկնել մարտի դաշտ: «Նրանք հիմնականում մինչև 35 տարեկան երիտասարդներ են: Նույնիսկ այն զինվորները, ովքեր ազատված են բանակից, էլի գալիս ու հաշվառվում են»,- նշում է նա:Գորիսեցիներից շատերն էլ առանց հաշվառվելու է մեկնել. «Ում հարազատները ծառայում են բանակում, առանց մեզ տեղյակ պահելու են մեկնել: Հասել են Ստեփանակերտ ու այնտեղ հաշվառվել»,- ասում է Ա. Հարությունյանը:
«Կարևորն այն է, որ մեր տարածաշրջանում խուճապ չկա. դա դրական փաստ է»,- ավելացրեց Գորիսի տարածաշրջանի զինկոմի տեղակալը:
