Արցախյան սահմանային գոտում ստեղծված իրավիճակի պատճառով 21 բնակիչ այս օրերին ապաստանել են Սյունիքի մարզի Քարահունջ գյուղում: Համայնքի ղեկավար Լուսինե Ավետյանն օգնել է նրանց տեղավորվել գյուղում, ապահովվել է անհրաժեշտ սննդով: Քարահունջեցի Աիդա Մանուչարյանն իր տանն է հյուրընկալել 13 մարտակերտցիների, որոնցից 9-ը երեխաներ են: «Հարևանի տուն էին եկել, բայց քանի որ իրենք մեծ ընտանիք են, իսկ ես մենակ եմ ապրում, մեծ տներ ունեմ՝ որպես հայ մարդ, չէի կարող իմ տունը չառաջարկել»,-պատմում է տիկին Աիդան:Սահմանային գոտուց Քարահունջ տեղափոխվածներից 17-ը երեխաներ են, նրանցից 4-ը, համայնքի ղեկավարի առաջարկով, հաճախում են տեղի դպրոց: Համայնքում գործող մանկապարտեզը ևս պատրաստ է ընդունել երեխաներին:
Վորդ Վիժն Սիսիսանի տարածքային զարգացման ծրագիրը, համայնքապետարանի միջնորդությամբ, ցուցաբերել է աջակցություն՝ երեխաներին տրամադրելով հագուստ և գրենական պիտույքներ:
