Անահիտ Բաղդասարյան
Այս տարի լրացավ Գորիսի Վ. Սարգսյանի անվան թիվ 1 նախակրթարանի 85 և անվանակոչման հնգամյակը: Հոբելյանական տարվա առթիվ հունիսի 28-ին ՆՈՒՀ-ի բակում տոնական տրամադրություն էր տիրում: Այս տարվա 70 շրջանավարտ սաներ իրենց երգով ու պարով, ասմունքով ու բեմադրություններով շնորհավորեցին բոլորին ու հրաժեշտ տվեցին նախակրթարանին:
Միջոցառման ժամանակ առաջին անգամ հնչեց նախակրթարանի հիմնը, որի բառերը գրվել է նախկին սան Հրայր Լալայանի կողմից, իսկ երաժշտության հեղինակը Սասուն Պասկևիչյանն է:
Նախակրթարանի սաներին և աշխատակազմին իրենց շնորհավորանքները հղեցին Սյունիքի մարզպետի տեղակալ Վարդան Դավթյանը, Գորիս համայնքի ղեկավար Վաչագան Ադունցը, բարձրաստիճան սպաներ, նախակրթարանի նախկին սաները:1-ին բանակային կորպուսի հրամանատար, գնդապետ Տ. Փարվանյանի և Գորիսի համայնքի ղեկավար Վ. Ադունցի կողմից պատվոգրեր հանձնվեցին ՆՈՒՀ-ի տնօրեն Ս. Ադունցին:
Ս. Ադունցը, ում համար այս տարին ևս հոբելյանական է, լրացել է նրա ղեկավարման քառորդ դարը, բարեմաղթանքի խոսքեր ասաց սաների հասցեին, նշելով, որ տարիների ընթացքում նախակրթարանն ավարտել են հարյուրավոր սաներ, ովքեր այժմ տարբեր ոլորտներում բազմաթիվ հաջողությունների են հասել:
Նա նաև կատարած աշխատանքի համար շնորհակալագրեր հանձնեց միջոցառման կազմակերպիչներին` դաստիարակներ Ասպրամ Մկրտչյանին, Հերմինե Մալինցյանին և երաժիշտ Մերի Տոռոզյանին:
[nggallery id=64]
