Գորիսի պետական համալսարանի ընդունող հանձնաժողովի պատասխանատու քարտուղար Արա Գալստյանը տեղեկացնում է, որ նախորդ տարվա համեմատ, 2016-17 ուսումնական տարվա դիմորդների թիվը պակասել է. 2015թ. ԳՊՀ-ն ունեցել է 135 դիմորդ, իսկ այս տարի` 130: Ընդհանուր` Գորիսի պետական համալսարանում հատկացվել է 212 տեղ`192 վճարովի, իսկ 20-ը անվճար:
Նրա խոսքով` այս տարի ամենամեծ թվով հայտեր եղել են հետևյալ ֆակուլտերների համար` մանկավարժություն և մեթոդիկա, տնտեսագիտություն, հայոց լեզու և գրականություն, էլեկտրոնիկա, կենսաբանություն, դեղագործական քիմիա, պատմություն, մաթեմատիկա և միայն Ֆիզիկայի ֆակուլտետ` մեկ դիմորդ:
Արա Գալստյանը նշում է նաև, որ այս տարի արտոնագրվել են Իրավագիտության մասնագիտության մագիստրատուրայի ու նաև հեռակա բակալավրի Իրավագիտության նոր բաժինները: Նրա խոսքով, հրամանը ստանալուց հետո միայն ընդունելություն կկազմակերպվեն այդ բաժինների համար:
Դիմորդների մեծ մասը Գորիսի տարածաշրջանից են, սակայն կան նաև փոքրաթիվ դիմորդներ` Կապանից, Սիսիանից, Բերձորից, ինչպես նաև Արարատից:
Ա. Գալստյանը նաև տեղեկացնում է, որ ԳՊՀ-ում ուսման վարձավճարները նախորդ տարվա համեմատ` 20-հազարական դրամով ավելացել են: Նրա խոսքով Հայաստանի ԲՈՒՀ-ական համակարգի համեմատ` Գորիսի պետական համալսարանի վարձավճարները ամենացածրն են:
