Անահիտ Բաղդասարյան
Խոշորացված Տաթև համայնքը «Տաթև համայնքի ճանապարհների սպասարկման, աղբահանության և գյուղտեխնիկայի վերազինման» ծրագրի շրջանակներում ձեռք է բերել 6 միավոր տեխնիկա. երկու միավոր հնձող կոմբայն, գրեյդել, բազմաֆունկցիոնալ էքսկավատոր, աղբատար մեքենա և առաջիկայում համայնք կբերվի նաև ինքնաթափ:
Նշված ծրագրով նախատեսված վեց միավոր տեխնիկայի, ինչպես նաև 150 աղբամանների ձեռքբերումը և տեխնիկայի սպասարկման կայանատեղի կառուցումը իրականացվում է ԱՄՆ կառավարության ֆինանսական աջակցությամբ` ԱՄՆ Միջազգային զարգացման գործակալության միջոցով: Ծրագրի ընդհանուր արժեքը կազմում է շուրջ 198 մլն դրամ, որի մոտ 193 մլն դրամը տրամադրում է ԱՄՆ ՄԶԳ-ը ՝ դրամաշնորհի տեսքով, մնացածը համայնքի ներդրումն է:
Հիշեցնենք, որ խոշորացված Տաթև համայնքն ընդգրկում է Քաշունի, Տանձատափ, Սվարանց, Տաթև, Հալիձոր, Շինուհայր, Խոտ, Հարժիս բնակավայրերը:
