Գորիսի երիտասարդական բանկը հրավիրում է Սյունիքի մարզի 15-35 տարեկան երիտասարդներին համայնքային զարգացման իրենց նորարարական գաղափարներն ուղարկելու դրամաշնորհի մրցույթին:
Ծրագրերի թեմատիկ ուղղություններն են ՝
–Համայնքային մասնակցություն
– ՏԻՄ–երի հետ համագործակցություն և նրանց աշխատանքի հետ կապված խնդիրների լուծում
– մշակութային, սոցիալական, կրթական գործողություններ՝ ուղղված խոշորացված համայքների բնակավայրերի միջև կապերի ստեղծում
Մենք ակնկալում ենք ծրագրերի առաջարկներ, որոնք.
–կիրագործվեն երիտասարդների կողմից
–պարզ և իրատեսական են
–արդյունավետ են ֆինանսական տեսակետից
–կունենան դրական ազդեցություն երիտասարդների և համայնքի այլ անդամների կյանքում
Եթե Ձեր ծրագիրը պարունակի շինարարական ծախսեր, ապա նախապատվությունը կտրվի այն ծրագրերին, որտեղ այդ ծախսերը կկատարվեն համաֆինանսավորմամբ:
Տրամադրվող դրամաշնորհի առավելագույն գումարը՝ 90.000 դրամ:
Դիումների վերջնաժամկետը հուլիսի 31-ն է: Դիմումի ձևը կարող եք ներբեռնել այստեղից:
Դիմումները կարող եք ուղարկել [email protected] հասցեով կամ բերել Գորիսի մամուլի ակումբ / Անկախության 2/:
Ծրագրի մասին լրացուցիչ տեղեկությունների համար կարող եք դիմել Գորիսի երիտասարդական բանկ Անահիտ Բաղդասարյանին՝ զանգահարելով 094 54 12 61 կամ էլ. հասցեով՝ [email protected] կամ այցելել Գորիսի մամուլի ակումբ / Ք. Գորիս,Անկախության 2/
Դրամաշնորհը տրամադրվում է ԱՄՆ ՄԶԳ-ի կողմից ֆինանսավորվող «Հանրային մասնակցություն տեղական ինքնակառավարմանը» (ՀաՄաՏեղ) ծրագրի շրջանակում:
