ԵՀՀ-ն, ԱՄՆ ՄԶԳ կողմից ֆինանսավորվող «ՀԿ Դեպո – Հասարակական կազմակերպությունների զարգացման ծրագրի» շրջանակներում հրավիրում է Հայաստանի հասարակական կազմակերպություններին մասնակցելու «ՔՀԿ-ների կայունության ռազմավարություն» դրամաշնորհային ծրագրին։
Դրամաշնորհները կտրամադրվեն երկու ուղղություններով ա) ՀԿ-ների կազմակերպական զարգացման` առանձին ՔՀԿ-ների կայունության ռազմավարությունների իրագործման նպատակով, բ) ՔՀԿ ոլորտի զարգացման` ՔՀԿ-ների կայունությանը նպաստող միջոցների, ռեսուրսների կամ միջավայրի ձևավորման նպատակով։
Ուղղություն 1. Կազմակերպական զարգացման դրամաշնորհներ առանձին ՔՀԿ-ների կայունությանը նպաստող կազմակերպական կարողությունների զարգացման համար։ Յուրաքանչյուր դրամաշնորհի բյուջեն. 2 500 000 – 3 000 000 ՀՀ դրամ։
Ուղղություն 2. ՔՀԿ ոլորտի զարգացման դրամաշնորհներ ամբողջ ՔՀԿ սեկտորի համար կարևոր խնդիրների լուծման և ՔՀԿ-ների խմբերի ու ցանցերի զարգացմանը նպաստող համակարգերի, գործիքների ստեղծում։ Յուրաքանչյուր դրամաշնորհի բյուջեն. 2 500 000 – 7 000 000 ՀՀ դրամ:
Դրամաշնորհի հիմնական պայմանները.
-Դիմումների ներկայացման վերջնաժամկետը – 2017 թ., հոկտեմբերի 2-ը
-Բյուջեն. ուղղություն 1 – 2 500 000 –3 000 000 ՀՀ դրամ, ուղղություն 2 – 2 500 000 – 7 000 000 ՀՀ դրամ
-Ծրագրի տևողությունը. մինչև 9 ամիս
-Ծրագրի իրականացման ժամանակամիջոցը. մինչև 2018 թ.–ի նոյեմբերի 30–ը։
Դրամաշնորհի մանրամասն պայմաններն՝ այստեղ
Դրամաշնորհային հայտի փաթեթը կարող եք ներբեռնել այս հղումով – հավելված 1
Դրամաշնորհայի բյուջեի ձևը կարող եք ներբեռնել այս հղումով – հավելված 2
Տեղեկատվական հանդիպում կկայանա ԵՀՀ-ի Երևանյան գրասենյակում՝ Ազատության 1/21, բն 22, սեպտեմբերի 8-ին, ժամը՝ 15։00։
Սյունիքի մարզի ՔՀԿ–ների հետ տեղեկատվական հանդիպումը կկայանա սեպտեմբերի 15-ին ժամը 14:00-ին «Գորիսի մամուլի ակումբ» ՀԿ-ում՝ ք․ Գորիս, Օրբելյանների 18/2: Տեղեկատվական հանդիպմանը մասնակցելու համար խնդրում ենք նախօրոք գրանցվել՝ զանգահարելով Շուշան Օհանյանին՝ 028422244, 077000308 հեռախոսահամարներով:
Ձեր հարցերը կարող եք ուղղել «ՀԿ Դեպո» ծրագրի աշխատակիցներ Վազգեն Կարապետյանին` vkarapetyan@epfound.am, կամ 091-43-88-38 հեռախոսահամարով, կամ Գայանե Մկրտչյանին gmkrtchyan@epfound.am էլ. փոստով կամ 095-25-15-68 հեռախոսահամարով։
«ՀԿ Դեպո» ծրագրի աշխատակազմը սիրով սպասում է Ձեր հայտերին։
Հաջողություն ենք մաղթում։
Դրամաշնորհի մանրամասն պայմաններ:
