Արմինե Աղաբեկյան
Խոշորացված Տեղ համայնքում կայացավ 2017թ-ի տարեկան բյուջեի հաշվետվության ներկայացում, 2018թ-ի ծրագրային բյուջեում կատարված փոփոխությունների վերաբերյալ հանրային բաց քննարկում: Քննարկմանը ներկա էին ՏԻՄ աշխատակիցներ, համայնքի բնակիչներ, ՀԿ ներկայացուցիչներ:
Համայնքապետարանի գլխավոր մասնագետ-հաշվապահը ներկայացրեց 2017թ-ի բյուջեի կատարողականը, իսկ Տեղ համայնքի ղեկավար Ներսես Շադունցը ներկաների քննարկմանը ներկայացրեց 2018թ-ին նախատեսվող ծրագրային աշխատանքները և հունվար-փետրվար ամիսներին համայնքի ֆոնդային բյուջեից /27մլն420հազ.դրամ/ կատարված ներդրումները: 
Շվեյցարական զարգացման հիմնադրամի ծրագրով տրամադրած 271մլն դրամի շրջանակներում նախատեսվում է ձեռք բերել 9 միավոր տեխնիկա:Համայնքում հիմնվել է համայնքային ոչ առևտրային կազմակերպություն /ՀՈԱԿ/, որի բյուջե կուղղվի ձեռք բերված տեխնիկայի սպասարկումից ստացված եկամուտները:
Կարևորվեց աղբահանության կանոնավոր կազմակերպումը Տեղ համայնքի բնակավայրերում: Համայնքի ղեկավարի խոսքով այս աշխատանքները ավելի արդյունավետ են լինելու առաջիկայում, քանի որ բյուջեի մեկ այլ բաղադրիչով նախատեսվում է ձեռք բերել սեղմիչ աղբահավաք մեքենա և աղբամաններ, որոնք կտեղադրվեն համայնքի բոլոր բնակավայրերում:
