Աննա Սահակյան
«Կառավարության և քաղաքացիական հասարակության համագործակցության ամրապնդումը բաց կառավարման գործընկերության մեջ` հանուն հանրային ծառայությունների բարելավման» ծրագրի շրջանակներում Կապանում տեղի ունեցավ Երկխոսության ֆորում, որի ընթացքում ներկայացվեցին ծրագրի խնդիրները, որոնց թվում՝ համայնքային մոնիտորների միջոցով տեղական դպրոցների վերանորոգման/վերակառուցման աշխատանքների մշտադիտարկում՝ ապահովելու համար շինարարության արդյունավետ իրականացում, սեյսմակայունության մակարդակի բարձրացում և դրա համապատասխանությունը պայմանագրային պահանջներին, համայնքային կարիքներին։
Ծրագրով նախատեսվում է Կապանում կամավորական սկզբունքով ստեղծել համայնքային մոնիտորների խումբ, ովքեր կհետևեն քաղաքի թիվ 7 դպրոցում իրականացվող շինարարական աշխատանքներին՝ ապահովելով դրանց համապատասխանությունը պայմանագրային պահանջներին և համայնքային կարիքներին:
Ֆորումից հետո ծրագրի նախաձեռնող խումբը այցելեց դպրոցի շինհրապարակ, ծանոթացավ շինարարության ընթացքին:
Ծրագիրը, որը ֆինանսավորում է Ասիական զարգացման բանկը, իրականացվում է «Արմավիրի զարգացման կենտրոն» հասարակական կազմակերպության և «Ինթեգրիթի Էքշնի» առաջնորդությամբ, «Գորիսի մամուլի ակումբի», «Սոցիալ-տնտեսական քաղաքականության տարածաշրջանային հետազոտությունների ինստիտուտի», «ՀԿ Կենտրոնի», «Մարտունու կանանց համայնքային խորհրդի» հետ համատեղ:
