«Կառավարության և քաղաքացիական հասարակության համագործակցության ամրապնդումը բաց կառավարման գործընկերության մեջ` հանուն հանրային ծառայությունների բարելավման» ծրագրի շրջանակներում «Գորիսի մամուլի ակումբ» ՀԿ-ն հայտարարում է Կապան համայնքի թիվ 7 դպրոցի շինարարական աշխատանքների մշտադիտարկող խմբի (մոնիթորների խումբ) անդամների հավաքագրում։ Մշտադիտարկող խումբը կգործի կամավորության սկզբունքով։
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ
– Ներգրավված լինել համայնքային կյանքում
– Հետևել դպրոցներում իրականացվող շինարարական աշխատանքներին
– Պահպանել տեխնիկական անվտանգության կանոնները շինարարական հրապարակում
– Ուսումնասիրել նախագիծը և շինարարական ընթացքին առնչվող փաստաթղթերը
– Վեր հանել հնարավոր խնդիրները՝ կապված շինարարական աշխատանքների հետ
– Մասնակցել Համատեղ աշխատանքային խմբերի հանդիպումներին, որտեղ քննարկվելու են վերհանված խնդիրները և համապատասխան որոշումներ են կայացվելու տեղական ինքնակառավարման մարմինների, տարածաշրջանային կառավարման մարմինների, դպրոցի ադմինիստրացիայի և այլ շահագրգիռ կողմերի ու շահառուների հետ (բնակիչներ, ծնողներ, աշակերտներ և այլն):
ՄՈՆԻՏՈՐԻ ՊՐՈՖԻԼ
Որպես ներառական կազմակերպություն՝ մենք խրախուսում ենք բոլոր նրանց, ովքեր
– հետաքրքված են,
– արժևորում են բազմազանությունը,
– ունեն տարբեր փորձ և հմտություններ,
– պատասխանատու են,
– տիրապետում են հաղորդակցման հմտություններին
– թիմում աշխատելու և համագործակցելու ունակություն ունեն
– 13 տարեկանից բարձր են (ծնող, շրջանավարտ, դպրոցական, ուսուցիչ, համայնքի կամ մարզի բնակիչ):
ՁԵՌՔԲԵՐՈՒՄՆԵՐ
– Մշտադիտարկում իրականացնելու փորձ
– Գիտելիքների, կարողությունների և հմտությունների զարգացում (տեղական ինքնակառավարման, ինտերնետ տեխնոլոգիաների, հաղորդակցության և այլ ոլորտներում)
– Ակտիվ մասնակցություն համայնքային կյանքում, համայնքի զարգացմանն ուղղված ծրագրերում, որոշումների կայացման գործընթացում
– Ճանաչում համայնքի բնակիչների, ՏԻՄ-ի շրջանում:
ՈՎՔԵՐ ՉԵՆ ԿԱՐՈՂ ԴԻՄԵԼ
– Կապանի թիվ 7 դպրոցի ադմինիստրացիայի հետ փոխկապակցված անձիք,
– Կապանի թիվ 7 դպրոցում շինարարություն իրականացնող շինարարական կազմակերպության, շինարարների հետ փոխկապակցված անձիք,
– Պետական կառավարման համակարգի (մարզպետարան, քաղաքապետարան) աշխատակիցներ:
Ծրագրի մասին մանրամասն կարող եք կարդալ այստեղ՝ http://gorispress.am/?p=5975
Դիմել կարող եք՝ լրացնելով հայտադիմումը:
Դիմելու վերջնաժամկետ՝ մարտի 21:
Հարցերի դեպքում դիմեք Գորիսի մամուլի ակումբ,
Հասցե՝ ք․ Գորիս, Օրբելյանների 18/2,
Հեռ․՝ 028422244 +37498990731,
էլ․ հասցե՝ [email protected]
Ծրագիրն իրականացնում է «Գորիսի մամուլի ակումբ» ՀԿ–ն Արմավիրի զարգացման կենտրոն հասարակական կազմակերպության (ԱԶԿ ՀԿ) և Ինթեգրիթի Էքշնի առաջնորդությամբ, Մարտունու կանանց համայնքային խորհրդի, ՀԿ Կենտրոնի և Սոցիալ–տնտեսական քաղաքականության տարածաշրջանային հետազոտությունների ինստիտուտի հետ համատեղ՝ Ասիական զարգացման բանկի ֆինանսավորմամբ:
