Աննա Սահակյան
«Կառավարության և քաղաքացիական հասարակության համագործակցության ամրապնդումը բաց կառավարման գործընկերության մեջ` հանուն հանրային ծառայությունների բարելավման» ծրագրի շրջանակներում մարտի 30-ին և 31-ին Կապան քաղաքում տեղի ունեցավ Կապանի թիվ 7 դպրոցի համայնքային մշտադիտարկողների վերապատրաստում:
Վերապատրաստման նպատակն է համայնքային մոնիտորների միջոցով ապահովել Կապանի թիվ 7 դպրոցի վերակառուցման աշխատանքների արդյունավետ իրականացումը:
Վերապատրաստման ընթացքում համայնքային մշտադիտարկողները ծանոթացան բարեվարքության բանաձևին ու դրա կարևորությանը, ինչպես նաև առցանց DevelopmentCheck գործիքին և կիրառությանը:
Երկօրյա դասընթացից ստացած գիտելիքները կիրառելու համար մշտադիտարկողները այցելեցին շինհրապարակ և տեղում ծանոթացան շինարարական աշխատանքներին: Իրենց հուզող հարցերի պատասխանները մշտադիտարկողները ստացան շինարարական ընկերության աշխղեկից:
