Անահիտ Բաղդասարյան
Ամալյա Սարգսյանը Գորիսում է ապրում, կես դարից ավելի է` զբավում է ձեռքի աշխատանքներով: Գործում է հելյունով, ասեղով, շյուղերով: Նաև գոբելենների հեղինակ է: Ասում է, որ սկսել է ասեղնագործել երբ դեռ 10 տարեկան էր: Նրա աշխատանքներում հիմնականում բնություն է պատկերված:
Բազմաթիվ ցուցահանդեսների է մասնակցել և արժանացել խրախուսանքների: Սիրում է աշխատել երեխաների հետ: Դասավանդել է Գորիսի Համո Յոլյանի անվան պիոներ պալատում, 3-րդ և 6-րդ դպրոցներում և Ուսուցչի տանը: Արդեն 25 տարի է` չի աշխատում, սակայն չի դադարել գործելը: Հիմականում աշխատում է ձմռանը. «Վառարանի կողքին նստում եմ և՛ հեռուստացույց նայում, և՛ գործում», -ասում է Ամալյան:
