Լուսինե Գրիգորյան
Սյունիք ԻնֆոՏան քաղլրագրող
Գազի խնդիրը արդիական է Հայասատանի շատ գյուղերի համար, այդ թվում՝ Տաթև համայնքի Հարժիս գյուղի: Այս խնդիրը գյուղն ունեցել է կառուցման օրից ի վեր, և խնդրի մասին հաճախ են բարձրաձայնել գյուղացիները` դիմելով թե´ մարզպետին, թե´ տարբեր կազմակերպությունների:
Ի վերջո գյուղացիների պահանջը մասամբ ի կատար է ածվել: ԻՖԱԴ կազմակերպությունը 2008 թվականին սկսել է գյուղը գազաֆիկացնելու աշխատանքներ: Ընդհանուր ծախսը հաշվվել է 45 մլն դրամ: Կառուցվել է միջին ճնշման գազատարը:
Սակայն աշխատանքները մնացել են կիսատ` ֆինանսների բացակայության պատճառով: Գյուղի ներքին ցանցը դեռևս պետք է կառուցվի, որից կառուցվել է ընդհամենը 300 մետր: Ընդհանուր աշխատանքների 60%-ը կատարված է:
Գյուղացիները հիմա էլ դիմում են պետական տարբեր մարմինների օգնության համար, սակայն դեռևս սայլը տեղից չի շարժվում:
