Հայաստանի Հանրապետության կենտրոնական ընտրական հանձնաժողովն Ազգային ժողովի մեծամասնական ընտրակարգով լրացուցիչ ընտրություններ է նշանակել թիվ 38 ընտրատարածքում՝ hիմք ընդունելով ՀՀ Ազգային ժողովի նախագահի՝ «Հայաստանի Հանրապետության Ազգային ժողովի պատգամավոր Վահե Հակոբյանի պատգամավորական լիազորությունները դադարած համարելու մասին» արձանագրությունը:
ՀՀ կենտրոնական ընտրական հանձնաժողովը լրացուցիչ ընտրությունների քվեարկության օր է սահմանել 2013 թվականի սեպտեմբերի 29–ը և հաստատել ընտրությունների նախապատրաստման և անցկացման հիմնական միջոցառումների ժամանակացույցը:
ՀՀ կենտրոնական ընտրական հանձնաժողովի որոշմամբ 2013թ. օգոստոսի 25-ին, Սյունիքի մարզի Հալիձոր համայնքում ևս տեղի կունենա համայնքի ղեկավարի արտահերթ ընտրություն:
