Բելլա Պետրոսյան
Շարժվող տարածք՝ Ստեղծագործ անհատ-մթնոլորտ-խաղ
Այս խորագիրն է կրում Միխայիլ Չեխովի միջազգային աշխատանոցի դասընթացների երկրորդ փուլը, որի շրջանակներում մարտի 6-10-ը Գորիսի պետական դրամատիկական թատրոնում հյուրընկալվել են դերասան և ռեժիսոր, Համբուրգի դերասանական դպրոցի գեղարվեստական ղեկավար և «Միխայիլ Չեխով Եվրոպա» կազմակերպության հիմնադիր անդամ Ուլրիխ Մեյեր-Հորշն ու դերասան, բեմադրիչ Վլադիմիր Տարասյանցը:
Այս աշխատանոցում դերասանները ուսումնասիրել են Ա․ Չեխովի «Առաջարկություն» թատերգության տարածությունը և մթնոլորտը:
Ուլրիխ Մեյեր-Հորշի խոսքով աշխատանոցը Չեխովի դերասանական տեխնիկայի մասին է:
-Մենք Եվրոպայում ցանց ունենք, որի միջոցով տարբեր երկրներում իրականացնում ենք նման աշխատարաններ:
Մինչ մասնագետների ժամանումը Գորիսի թատրոնի դերասանները հնարվորություն են ունեցել ծանոթանալու և վերլուծելու Չեխովի «Առաջարկությունը» պիեսը, որի շուրջ աշխատել են այս օրերի ընթացքում:
-Ես գալուց բացարձակ գաղափար չունեի ինչ է ինձ սպասվում և իհարկե շատ զարմացած էի, որ այստեղ այսպիսի թատերական խումբ կա, որն ակտիվ աշխատում է, դերասանները փորձ ունեն, և նրանց հետ նաև երիտասարդներ և ուսանողներ։ Բոլորը շատ բաց ու անկեղծ են, շ սրտանց և ամենակարևորը հետաքրքություն կա նրանց մեջ: Օրեցօր մենք էլ ավելի ենք խորասուզվում այս աշխատանքի մեջ, էլ ավելի ինտեսիվ է դառնում համատեղ համագործակցությունն ու ավելի նկատելի՝ արդյունքը: Առաջին օրը նրանք ովքեր փակ էին, ամաչկոտ էին, հիմա շատ ավելի բացվել են ու մտել գործընթացի մեջ և զգում են համատեղ կապը,- նշում է Ուլրիխ Մեյեր-Հորշը:
-Ինչպես իմացանք մեծ մասը մասնակիցների պրոֆեսիոնալ է, բայց մեր խնդիրը նա է, որ փորձենք նրանց մասնագիտական նոր գործիքներ, հնարներ հաղորդել, որպեսզի նրանք հետո կարողանան դրանք կիրառել իրենց աշխատանքի մեջ: Մենք էլ ունենք փոքր քաղաքներում քաղաքային թատրոն, ֆիքսված թատերախմբով և իհարկե ինչպես և այստեղ՝ ունենք դերասաններ, ովքեր հետաքրքրասեր են, բայց մյուս կողմից էլ ունենք դերասաններ, ովքերր անտարբեր են. ասում են ինչի՞ս է պետք, ես ոչ մի նոր բան սովորելու կարիք չունեմ: Ինձ թվում է նման բան կարելի է հանդիպել ամբողջ աշխարհում, դա տարածաշրջանի հետ կապ չունի:
Գորիսի թատրոնի դերասան Միքայել Մաշուրյանի խոսքով սա լավ հնարավորություն է մոտիկից ծանոթանալու ու վերլուծելու Չեխովի ստեղծագործություններն ու բեմադրություններում նրա մոտեցումները: Նրա խոսքով այս օրերի ընթացքում հնարավորություն են ունեցել ծանոթանալու նոր մեթոդների, որոնք օգնում են անգամ մարմնի լարվածության միջոցով ներկայացնել դերը՝:
Կինոյի և թատրոնի պետական ինստիտուտի Գորիսի մասնաճյուղի 2-րդ կուրսի ուսանող Լիանա Աթայանի խոսքով այս բոլոր բեմական շարժումները, ժեստերը օգնում են նաև բեմի վրա ազատվել լարվածությունից, կաշկանդվածությունից;
-Մեզ իրավիճակներ են տրվում, որոնք պետք է ներկայացնենք ժեստերով ու շարժումներով: Դա բեմի վրա ավելի ազատ ու անկաշկանդ լինելու հնարավորություն է տալիս: Կարևոր է նաև , որ նրանք մեր առաջ սահմաններ չեն դնում, չեն ասում դու սխալ ես, դու ճիշտ: Նրանք օգնում են գտնելու քեզ բեմի վրա:
Ուլրիխ Մեյեր-Հորշը ասում է, որ դերասանը պետք է սովորի, էքսպերիմենքներ անի ամբողջ կյանքի ընթացքում։
-Ես 56 տարեկան եմ, 30 տարի է ինչ դերասանական արվեստով եմ զբաղվում, բայց այդուհանդերձ, միշտ այն զգացողությամբ եմ ապրում, որ միշտ նոր բաներ եմ սովորում: Ու ինձ թվում է, որ եթե մենք կարողանանք կիսվել այդ գաղափարով մյուսների հետ, որ ամեն օր սովորելու բան ունենք՝ իհարկե համատեղ, իրարից, մենք կզարգացնենք թատրոնները:
